Дераза кондиционерларининг вазифаси; Дераза кондиционерларининг тузилиши ва ишлаш принципи; Дераза кондиционерларининг хисобий тахлили

4. Ис газининг ҳарорати
Қозон агрегатининг унумдорлигига таъсир кўрсатувчи барча параметрлардан ис газининг ҳарорати параметрларнинг аҳамиятга моликлиги бўйича иккинчи ўринда туради (ошиқча ҳавонинг меъёридан кейин). Каттароқ самарадорликка эришиш учун ис газининг ҳарорати минимал бўлиши лозим. ис газининг ҳароратининг юқори бўлишининг сабаблари қуйидагилар бўлиб ҳисобланади:

1. 
   Иссиқлик алмашиниш юзасининг етарли эмаслиги;
   
2. 
   Иссиқлик алмашиниш юзасининг ифлосланиши.
   

Иссиқлик алмашиниш юзасини ҳавони иситгич ёки экономайзерни ўрнатиш билан ошириш, шу тариқа қайноқ ис газининг энергиясидан тегишлича сув ёки ҳавони иситиш учун фойдаланиш мумкин. Шуни эсдан чиқармаслик керакки, газнинг ҳарорати шудринг нуқтасидан паст бўлмаслиги лозим, акс ҳолда коррозион муаммолар келиб чиқиши мумкин.
5.Озиқлантирувчи сувнинг ҳарорати
Озиқлантирувчи сувнинг ҳароратини 6 °С га ошириш ёқиладиган ёқилғи сарфини 1% га камайтириши мумкин. Гарчи озиқлантирувчи сув ҳароратининг юқори бўлиши ёқилғи сарфини камайтирсада, бу факт қозондан чиқаётган ис газларидан шу сувни иситиш учун фойдаланилган тақдирда қозон агрегатининг унумдорлигига таъсир кўрсатади.
6. Конденсатни утилизациялаш
Гарчи бу омил қозон агрегатининг унумдорлигига тўғридан-тўғри таъсир кўрсатмасада, конденсатни утилизациялаш қозон агрегатининг ишлашида муҳим жиҳат бўлиб ҳисобланади. Имконият бор бўлган жойда конденсат такрорий фойдаланиш учун қозонга қайтарилиши лозим. Бунда озиқлантирувчи сувнинг ҳарорати ортади ва энергия тежалади (4 ва 5 расмларга қаралсин).
7. Ёнишга бериладиган ҳавонинг ҳарорати
Қозон агрегатининг унумдорлигини ис газининг чиқиб кетаётган иссиқлигини ёнишга бериладиган ҳавони иситиш учун рекуперациялаш билан ошириш мумкин. Ёнишга бериладиган ҳавонинг ҳарорати ҳар гал 50-60 С га оширилганда унумдорлик тахминан 2% га ортади.
8. Иссиқлик алмашиниш юзасидаги ифлосланишлар
Қувурларнинг ташқи томонидаги ифлосланишлар, ички томонидаги қуйқа иссиқлик алмашинишини тормозлайди ва алмашиниш самарадорлигини пасайтиради. Қурум чўкмалари ис гази ҳароратининг ортишига олиб келади.