Дераза кондиционерларининг вазифаси; Дераза кондиционерларининг тузилиши ва ишлаш принципи; Дераза кондиционерларининг хисобий тахлили

Бинолар турлари бўйича иссиқлик ўтказишга қаршилик қийматлари бўйича ҚМҚ ларнинг талаблари.
Режа

1. 
   Қайта кўриб чиқилган СНиП лар
   
2. 
   Янги бўлимлар: «4. Энергия самарадорлиги» ва «5. Бинонинг энергетик паспорти».
   
3. 
   Тўсувчи конструкцияларнинг иссиқлик ҳимоясининг янги даражалари
   

ПРООН/ГЭФ ва Давлат Архитектура-қурилиш Қўмитасининг биргаликдаги лойиҳаси доирасида бир қатор меъёрий ҳужжатлар қайта кўриб чиқилган:
КМК 1.01.04-98 «Архитектура-қурилиш атамалари»;
КМК 2.01.04-97 «Қурилиш иссиқлик техникаси»;
КМК 2.01.18-2000 «Иситиш, вентиляция ва кондициялашга энергия сарфи меъёрлари»;
КМК 2.04.05-97 «Иситиш, вентиляция ва кондициялаш»;
КМК 2.08.05-97 «Даволаш муассасаларига мослаштириладиган бинолар ва иншоотлар»;
КМК 2.08.04-04 «Маъмурий бинолар»;
ШНК 2.08.02-09 «Жамоатчилик бинолари ва иншоотлари»;
КМК 2.03.10-95 «Чердаклар ва томлар»;
КМК 1.03.09-96 «Лойиҳанинг бош муҳандиси (бош меъмори) тўғрисида қоидалар».
СНиП ларни қайта кўриб чиқиш энергия самарадорлиги нуқтаи-назаридан кўзда тутилганлиги сабабли, биринчи навбатда биноларда энергия тежамкорлиги ва энергия самарадорлигини тавсифлайдиган атамалар ва таърифларни киритиш зарур бўлган. Шу сабабли Давлат Архитектура-қурилиш Қўмитасининг 2010 йил 17 ноябрдаги № 70 буйруғи билан КМК 1.01.04-98 «Архитектура–қурилиш атамалари» га ўзгартиришлар тасдиқланган.
Кўриб чиқилаётган меъёрий ҳужжатлар бир қатор объектив ва субъектив сабабларга кўра кучга кирган пайтдан буён қайта кўриб чиқилмаган. Ўтган йиллар давомида ҳужжатларнинг қоидалари анчагина эскирган ва замонавий талабларга жавоб бера олмай қолган. Ўзгаришлар асосан даволаш муассасаларига мослаштириладиган бинолар ва иншоотларнинг энергия самарадорлигини оширишга йўналтирилган. Шу сабабли уларда энергияни тежаш соҳасидаги замонавий технологияларни қўллаш кўзда тутилади. Ўтган давр мобайнида энергияни тежаш масалалари бутун дунё бўйича долзарблашган. Қурилиш материаллари ва буюмлари бозорида турли ассортиментдаги янги самарали иссиқлик-изоляцион ва гидроизоляцион материаллар пайдо бўлган, энергия самарадор эшиклар ва деразалар, муҳандислик жиҳозларининг замонавий конструкциялари ишлаб чиқилган, улар Ўзбекистоннинг ўзида ишлаб чиқарилиш билан бир қаторда хориждан ҳам келтирилмоқда.
Асосий янги киритилмалардан бири меъёрий ҳужжатларнинг янги «4. Энергия самарадорлиги», «5. Бинонинг энергетик паспорти» бўлимлари билан тўлдирилиши бўлиб ҳисобланади.