|
Томонларнинг энергетик текшириш ва экспертизани ўтказиш бўйича ҳуқуқлари ва жавобгарлиги
Давлат назорати органлари ва энергоаудиторлар қонунчлик билан ўрнатилган ваколатларни суистеъмол қилмасликлари, текшириш давомида ёқилғи-энергия ресурсларининг истеъмолчисига хўжалик фаолиятини юритишга тўсқинлик қилмаслиги, давлат сири ва тижорат сирининг сақланишини таъминлашлари лозим.
Энергоаудитор тегишли лицензион талаблар ва лицензион келишувда кўрсатилган шартларга жавоб бера олиши лозим.
Ёқилғи-энергия ресурсларининг истеъмолчиси томонидан мазкур Қоидалар билан ўрнатилган энергетик текширишни ўтказиш тартиби бузилган тақдирда давлат назорати органлари янги энергетик текширишни ўтказишни тайинлаш ҳуқуқига эга.
Ёқилғи-энергия ресурсларининг истеъмолчилари энергетик текширишни ўтказиш вақтини мустақил белгилаш ҳуқуқига эга, улар буни давлат назорати органларига маълум қилишлари лозим.
Ёқилғи-энергия ресурсларининг истеъмолчилари энергетик текширишларни қонунчилик билан ўрнатилган тартибда ўз вақтида ўтказмаганлиги учун жавобгар бўлади.
Энергетик текширишлар ва экспертизаларни ўтказиш соҳасидаги келишмовчиликлар қонунчилик билан ўрнатилган тартибда ҳал қилинади.
Энергетик текширишларни ўтказишнинг ТИПЛАШГАН ДАСТУРИ
Ёқилғи-энергия ресурсларининг барча истеъмолчилари учун энергетик текширишларни ўтказишда қуйидагилар ўрганиб чиқилади:
ёқилғи-энергия ресурслари истеъмолчисининг тузилиши ва унинг бўлинмаларининг энергия истеъмолининг тавсифи;
энергоресурсларнинг турлари бўйича хусусий энергобаланслар;
технологик ишлаб чиқаришларда энергия истеъмолининг ҳолати (ёқилғи-энергия ресурсларининг ишлаб чиқариш эҳтиёжларига кетадиган амалдаги истеъмоли, технологик объектларнинг энергия истеъмолининг меъёрий тавсифлари);
бутун истеъмол қилинадиган энергиянинг энергоресурслар ва энергия ташувчиларнинг алоҳида турлари бўйича тақсимланиш характери (бунинг учун энергия истеъмоли бўйича маълумотлар ягона ўлчашлар тизимига келтирилади);
энергия истеъмолининг режими (суткалик, ойлик, йиллик);
ҳар бир объект учун энергия истеъмолига таъсир кўрсатувчи омиллар (масалан, иситиш тизими учун ташқи ҳарорат, электр юритмалари учун қувват коэффициенти (cosφ) ва ҳоказолар);
ресурслар ва объектларнинг алоҳида турлари бўйича солиштирма энергия истеъмоли - энергия истеъмолининг таъсир кўрсатувчи омилга нисбати бўлиб ҳисобланади (масалан, унумдорликнинг ташқи ҳавонинг ҳароратига нисбати ва ҳоказолар);
энергия ташувчиларнинг сизиши, изоляциянинг бузилиши, рационал бўлмаган лойиҳа ечимлари, нотўғри эксплуатация қилиш, қурилиш ва монтаж ишларининг сифатсиз бажарилганлиги натижасида энергиянинг тўғридан-тўғри йўқолиши;
технологик жараёнда (агрегатда, цехда) бевосита фойдаланиладиган энергия ташувчиларнинг (электр энергияси, техник сув, сиқилган ҳаво, буғ, техник газлар) сарфи ва ишлаб чиқарилган маҳсулот тўғрисида маълумотлар базаси;
технологик параметрлар ва мавсумий тавсифлар бир хил бўлганда солиштирма кўрсаткичларнинг динамикасини таққослаш йўли билан энергоресурслар истеъмолининг самарадорлиги;
маҳсулот ишлаб чиқаришнинг технологик схемаси (асосий ва ёрдамчи ишлаб чиқариш, хомашё, материаллар, энергия оқимлари);
энергияни ҳисобий ва техник ҳисобга олиш приборлари, шунингдек четга жўнатиладиган энергиянинг счетчикларининг амалдаги жойлашувини ҳисобга олиш билан энергия таъминоти тизими;
шартнома ҳужжатлари;
ўтган йил ва жорий йилнинг ўтган даври учун амалдаги статистик ҳисоботлар (чораклик, йиллик) ва бошқа зарурий ҳисоботлар;
энергияни тежаш бўйича ташкилий-техник тадбирларнинг режалари ва уларнинг бажарилганлик ҳолати, энергия истеъмолини камайтириш бўйича топшириқнинг борлиги;
ишлаб чиқарилаётган маҳсулотни ҳисобга олиш услублари;
амалдаги энергия сарфи ва сарф меъёрларининг бажарилишини назорат қилиш;
энергетик қурилмаларни режали таъмирлаш режа-графикларининг бажарилиши тўғрисида ҳисоботлар;
ёқилғи-энергия ресурсларининг истеъмолчиси бўйича ҳам, унинг йирик технологик агрегатлари бўйича ҳам энергия истеъмоли балансини тузиш;
ҳисобий ва техник ҳисобни юритишнинг ҳолати;
меъёрланган энергия истеъмолининг ҳолати ва меъёрларнинг амалдаги Қоидаларга мувофиқлиги. Ёқилғи-энергия ресурслари истеъмолчисининг амалдаги солтштирма энергия сарфларини баҳолаш даври учун энергия таъминоти схемаси аниқлаштирилади. Меъёрлаштириш бўйича тармоқ йўриқномалари ва услубий кўрсатмаларнинг борлиги, энергия ташувчилар сарфи меъёрларининг тузилиши, меъёрларни ҳисоблаш ва тасдиқлаш тартиби кўриб чиқилади. Энергоресурслардан фойдаланиш бўйича ҳисоботларни олиб боришнинг статистик ҳисоботларнинг талабларига мувофиқлиги, технологик асбоб-ускуналарнинг техник ҳолати, уларнинг ишлашининг технологик регламентга мувофиқлиги, технологик ва энергетик асбоб-ускуналарнинг юкланганлиги, маҳсулотнинг сифатига қўйиладиган талабларнинг бажарилиши баҳоланади.
Энергия истеъмоли бўйича статистик маълумотлар ва экспериментал йўл билан олинган маълумотлар ва маҳсулот ишлаб чиқариш бўйича маълумотлар асосида белгиланган давр учун маҳсулот бирлигини ишлаб чиқаришга кетадиган меъёрий солиштирма энергия сарфи амалдаги сарф билан солиштирма таҳлил қилинади.
Текшириш пайтида энергообъектни тавсифлайдиган тегишли масалалар ўрганилади:
Do'stlaringiz bilan baham: |
