Dеnоv tadbirkоrlik va pedagogika inistituti tadbirkоrlik va bоshqaruv fakultеti «mоliya va bank ishi» kafеdrasi

5-MAVZU: BUDJETDAN MOLIYaLAShTIRILADIGAN TAShKILOTLARDA BUDJET MABLAG’LARIDAN FOYDALANIShNI NAZORAT QILISh.
Bozor iqtisodiyoti sharoitida budjetdan moliyalashtirishning o’ziga xos xususiyatlari. Budjet mablag’laridan foydalaniish tartibi va me’yorlari. Xarajatlar smetasi va uning tuzilishi tartibi. Xarajatlar smetasi asosida budjet mablag’laridan foydalanish bo’yicha Respublikamizda o’rnatilgan tartib qoidalar. Budjet mablag’laridan foydalanishni nazorat qiluvchi davlat tashkilotlari va ularning vazifalari. Budjet mablag’laridan maqsadsiz foydalanilganda ko’riladigan jazo choralariga tavsif beriladi.
Mavzuga oid hujjatlardan namuna olinib hisobotga ilova qilinadi.


6-MAVZU: BYUDJET TASHKILOTLARIDA BYUDJETNI IJRO ETISH VA BUXGALTERIYA HISOBI MONITORINGI.
Talaba ushbu mavzuda mahalliy budjet ijrosini tashkil etish, budjetning kassaviy ijrosi, budjet daromad va xarajat kismlarining ijrosi, budjet ajratmalarini o’zlashtirish tartibini, budjet-kredit harakatini o’zgartirishni, moliya organlarining budjet mablag’laridan foydalanish jarayonini nazorat qilish yuzasidan vazifalarni to’liq o’rganishlari lozim. Talaba budjet tashkilotlarining moliyalashtirish va budjet mablag’laridan samarali foydalanish holatini tahlil etish va bunda hisobotga 2-3 ta tashkilotlar sistemasini mablag’lardan foydalanish holati tahlilining aktini ilova qilish lozim. Davlat moliyasini boshqarish quyi bo’limlarida va budjet muassasalarida buxgalteriya hisobini tashkil etishning o’ziga xos xususiyatlari va asosiy vazifalari.
Buxgalteriya hisobi, hisob varaqalari va ularda muomalalarni aks ettirish tartibi, g’aznachilik nazoratining amalga oshirilishi, kassa va haqiqiy xarajatlar hisobini yuritishni, budjet daromadlari va xarajatlarining taqsimlanishini o’rganib, qisqacha tasnif beriladi.
Mavzuga oid hujjatlardan namunalar hisobotga ilova qilinadi.


7-MAVZU: NAZORAT TAFTISh APPARATI TOMONIDAN O’TKAZILADIGAN TeKShIRUVLAR VA TAFTISh MATERIALLARINI RASMIYLAShTIRISh VA AMALGA OShIRISh.
Hozirgi zamon moliya budjet qonunchiligi talablari asosida nazorat taftishning zarurligi, mohiyati, vazifalari, shakllari va usullari bilan tanishadi. Budjet mablag’laridan samarali foydalanish hujjatlarini muvofiqlashtirish, budjet mablag’larining maqsadli ishlatilishini ta’minlashda nazoratning o’ziga xos xususiyatlarini hisobotda yoritadi.
Ushbu mavzuni o’rganish chog’ida amaliyotchi budjet muassasalari ya’ni maktabgacha ta’lim muassasalari, umumiy o’rta ta’lim maktablari, sog’liqni saqlash muassasalari va boshqa budjet tashkilotlarida budjet resurslaridan foydalanish holati yuzasidan o’tkaziladigan tekshiruvlarda ishtirok etadi. Bunda tekshiruvlar bo’yicha tahliliy xulosalar yozish hamda tekshirish dalolatnomalarini tuzish uslubiyoti bilan tanishadi. Shuningdek taftish jarayonining rasmiylashtirilish bosqichlarini ko’rib chiqadi.
Mavzuga oid hujjatlardan namunalar hisobotga ilova qilinadi.