Dеnоv tadbirkоrlik va pedagogika inistituti tadbirkоrlik va bоshqaruv fakultеti «mоliya va bank ishi» kafеdrasi

2-MAVZU: Moliyaviy resurslarni tartibga solish va jamlanma tahlil bo’limi.
Ushbu mavzu bo’yicha amaliyotchi Moliya vazirligi G’aznachiligi va uning hududiy bo’linmalari (viloyat G’aznachilik boshqarmasi, tuman (shahar) G’aznachilik bo’linmalari)dagi respublika va hududiy g’azna hisobvaraqlari orqali budjetdan mablag’ oluvchilarning pul mablag’larini kirim qilish va o’tkazish bo’yicha operatsiyalarni va joriy yilda budjetdan mablag’ oluvchilarning joriy moliya yili uchun kelib tushgan debitorlik qarzlari summasi kassa xarajatlarini tiklash orqali g’azna hisobvaraqlariga kirim qilinishini tavsiflaydi. O’rta muddatli budjetga o’tishning afzallik jihatlarini va huquqiy me’yoriy bazasi bilan tanishadi.


3-MAVZU: G’AZNACHILIK OPERATSIYALARINI NAZORAT QILISH BO’LIMI.
Ushbu mavzu bo’yicha amaliyotchi budjetdan mablag’ oluvchilar budjet xarajatlarini amalga oshirish uchun g’aznachilik bo’linmalariga taqdim etadigan quyidagi hujjatlarni o’rganadi va ularni hisobotiga ilova qiladi:
1) budjet mablag’lari bo’yicha:
doimiy xarajatlar smetalari moliya organlarida ro’yxatga olinguniga qadar - birinchi chorak uchun oylar kesimida moliya bo’limlarida ro’yxatga olingan vaqtinchalik xarajatlar smetalari nusxalarini;
doimiy xarajatlar smetalari moliya organlarida ro’yxatga olingandan so’ng - moliya organlarida ro’yxatga olingan, oylar kesimida doimiy xarajatlar smetalarini;
2) budjetdan tashqari mablag’lar bo’yicha - moliya organlarida ro’yxatga olingan, budjetdan tashqari mablag’larning kelib tushishi va ishlatilishining cheklanishi oylar kesimida ko’rsatilgan vaqtinchalik va aniqlangan xarajatlar smetalari nusxalarini;
3) kapital qurilish ob’ektlari bo’yicha kapital qurilish buyurtmachilari g’aznachilik bo’linmalariga mazkur Qoidalarning 1-ilovasidagi shaklga muvofiq, tegishli moliya organlari bilan kelishilgan, tasdiqlangan qurilishlarning manzilli ro’yxati (loyiha-tadqiqot ishlarining manzilli ro’yxati) va qurilishlarning titul ro’yxati asosida tuzilgan xarajatlarning oylar kesimidagi yoyilmasini (Davlat budjeti mablag’lari hisobidan kapital qurilish ob’ektlari bo’yicha xarajatlar smetasi).