Декабрь 2020 10-қисм

Декабрь  2020  10-қисм
Тошкент
INGLIZ TILI METOKASINI DARSLARDA QO‘LLASH BOSQICHLARI 
Navoiy viloyati Qiziltepa tumani 41-maktab 
Po‘latova Lobar Hojiqurbon qizi
Telefon [phone]
Anatatsiya:  bu  maqolada  o‘quvchilarga  ingliz  tili  fanini  bahslar  va  bosqichlar  yordamida 
o‘rgatish usullari berilgan.
Kalit so‘zlar: metodika, metodik qo‘llanma, munozara, bosqich, guruhlar
O‘qituvchi uchun ijodiy ish darslari yuzasidan batafsil uslubiy tavsiya o‘qituvchi uchun metodik 
qo‘llanmada berildi. Ijodiy ish davomida tayyorlangan plakatlarni ota-onalarga bolalarning ingliz 
tilini qay darajada o‘zlashtirayotganliklarini ko‘rsatish uchun ham foydalanishingiz mumkin.
   Bahslar
 Bahslar o‘quvchilarning tanqidiy fikrlash malakalarini rivojlantirishga va masalaga turli nuqtayi 
nazardan  yondashishga  yordam  beradi.  Ular  o‘quvchilarda  gapirish  ishonchini  shakllantiradi, 
chunki  o‘quvchilar  bu  yerda  til  ravonligiga  emas  balki  o‘z  nuqtayi  nazarini  isbotlash  haqida 
ko‘proq qayg‘uradi. Bahslarga tayyorlanish davomida o‘quvchilar bahs uchun ma’lumot topish 
maqsadida  oldingi  darslarni  o‘qib  chiqadi.  Shu  yo‘sinda  bahslar  o‘quvchilarni  ma’lumot  olish 
uchun samarali o‘qishga ruhlantiradi. Bahslar o‘quvchilarga faol tinglovchi bo‘lishga ham yordam 
beradi.  Munozarada  qarshi  turuvchilarni  tinglash  paytida  ular  qarama-qarshi  fikrlar  topishga 
harakat qiladi va qarshi bahs yuritadi.
Quyida bahsni tashkil etish bosqichlari keltirildi. Jarayon chigal ko‘rinadi, lekin u bir necha 
maktablarda sinovdan o‘tkazilganda o‘quvchilarga juda ma’qul bo‘ldi.
Ishonchimiz komilki, u siz va sizning o‘quvchilaringizga ham ma’qul bo‘ladi.
I va II bosqichlar faqatgina siz bahsni birinchi marta tashkillashtirganingizda kerak bo‘ladi. I 
bosqich
O‘quvchilardan  bahs  to‘g‘risidagi  bilimlarini  so‘rab  biling.  Siz  quyidagidek  savollarni 
so‘rashingiz mumkin.
1) What is a debate?
2) Where do we have debates?
3) Have you ever taken part in a debate? When? What was the debate about?
4) Who takes part in debates?
5) Why do we have debates?
6) What happens in a debate?
7) Where do we sit in a debate?
II bosqich
Bugun  bahs  o‘tkazilishini o‘quvchilaringizga tushuntiring. Ular,  masalan, “ Sport is always 
a good thing. We should have sports lessons every day at school.” degan mavzu yuzasidan bahs 
yuritadilar. Sinf ikkiga bo‘linadi. Sinfning yarmi mavzu tomonda, yarmisi esa mavzuga qarshi.
III bosqich
Bir  o‘quvchini  bahsni  olib  boruvchi  qilib  tayinlaysiz.  Bahsni  olib  boruvchi  sinfdagi  eng 
yaxshi o‘quvchi bo‘lishi kerak (uning bahsda hukmronlik qilmasligini yoki boshqa o‘quvchilarni 
gapirishdan mahrum qilmasligini nazarda tutgan holda) yoki yaxshi gapira olmaydigan uyatchan 
o‘quvchini tanlab olishingiz mumkin.
 IV bosqich
Guruhlardan  o‘rtasidan  pastga  qarab  chiziq  tortilgan  bir  varaq  qog‘oz  tayyorlashni  so‘rang. 
Chap  tomonda  ular  boshqa  guruh  berishi  mumkin  bo‘lgan  sabablarni  yozishlari  kerak.  O‘ng 
tomonda esa o‘zlarining sabablarini yozadilar.
Guruhdagi har bir o‘quvchining o‘z sabablari ro‘yxati bo‘lishi kerak. Quyidagi jadvalni doskaga 
yozing, shu asosda vazifani bajarishni o‘quvchilardan so‘rang.
For (Mavzu tomonda) 
Against (Mavzuga qarshi)
good for health 
wastes time
Guruhlarga sabablar ro‘yxatini yozish uchun 10 daqiqa vaqt beriladi.

---

126