Декабрь 2020 10-қисм
Тошкент
1-SINF MATEMATIKA DARSLARIDA MATNLI MASALALAR YECHISHGA
O‘RGATISH
Nurmatova Laylo Nuraliyevna
Qashqadaryo viloyati Qarshi tumani
27-maktab boshlang‘ich sinf o‘qituvchisi
Annatatsiya: Ushbu maqolamda 1-sinf matematika darslarida matnli masalarni yechishda
qisqa yozuv asosida masalalarni yechishning ahamiyati haqida yozilgan.
Kalit so‘zlar: Masala, qisqa shart, muammoli, tasavvur.
Masalalar yechish avvalo bolalarda mukammal matematik tushunchalarni shakllantirishi,
ularning o‘quv dasturida belgilab berilgan nazariy bilimlarni o‘zlashtirishlarida muhim
ahamiyatga ega.
Masalalar yechish orqali o‘quvchilarda yangi bilim vujudga keladi va mavjud bilimlar tatbiq
qilinadi, shu orqali mustahkamalanadi.
Masalalarni yechish jarayonida o‘quvchilar yangi matematik bilimlarini egallaydilar, amaliy
faoliyatga tayyorlana boradilar. Masalalar ularning mustaqil fikrlashlarini rivojlantirishga imkon
beradi. Shuningdek masala yechish o‘quvchilarning shaxsiy tarbiyalarida ham katta ahamiyatga
ega. Shuning o‘qituvchining matnli masala haqida, uning tuzilishi haqida chuqur tasavvurga ega
bo‘lishi, bunday masalalarni turli usullar bilan yecha olish muhimdir.
Matnli masala biror bir vaziyatlarning tabiiy tildagi ifodasi bo‘lib, unda bu vaziyatning biror-
bir qismiga miqdoriy xarakteristika berish, uning qismlari orasidagi ba’zi munosabatlar bor-
yo‘qligini aniqlash yoki bu munosabat turini aniqlash talab etiladi.
1-masala. Ushbu ”Lola 10 ta olma va 5 ta nok oldi, Dilshod esa 7 ta olma oldi. Bolalar nechta
olma olishgan?
Yechish.Masalada nok haqidagi ortiqcha ma’lumot bor. Berilgan” 5 ta nok” ortiqcha. Hayotda
vujudga keladigan muammoli vaziyatlar asosida talabini bajarish uchun yetarlicha ma’lumotlar
bo‘lmagan masalalar uchrashi ham mumkin.Masala yechish nima?
Boshlang‘ich sinfda sodda va murakkab masalalarni yechish malakasini tarkib toptirish
bo‘yicha 1-sinflarda boshlangan ish 2-3- sinfda davom ettiriladi.
Matnnli masalalar yechish u yoki bu tushunchani, munosabatni, hisoblash malakalarini tarkib
toptirishdan tashqari, o‘quvchilarning bilim doiralarini kengaytirishga, ba’zi miqdorlar va ular
orasidagi bog‘lanishlarni chuqurroq tushuntirishga imkon beradi. O‘quvchilarning masalani taxlil
qilishning umumiy usulini qay darsjada egallab olganliklarini va masala yechimini mustaqil
topishda ularga yordam beradigan vositalarni qanday qo‘llana olishlari masalalar yechish
malakasini hosil qilishda muhim rol o‘ynaydi.
Masalaning mazmunini o‘zlashtirish masalaning qisqa yozuvini bajarish, yechish rajasini
tuzish, yechimni tegishli yozma yoki og‘zaki tushuntirishlar bilan yozish, yechimning to‘g‘riligini
tekshirishdan iborat.
O‘quvchilar masalani o‘qib chiqib, unda aks ettirilgan hayotiy vaziyatni aniq tasavvur qila
olishlari kerak.Shu bilan birga, 1-sinfda masalaning qisqa yozuvi, asosan o‘qituvchi rahbarligida
amalga oshiradi.
Masalalar yechish matematika o‘qitushning tarkibiy qismidir.Masalalar yechmasdan turib
matematikani o‘zlashtirishni tasavvur ham qilib bo‘lmaydi
xulosa qilib shuni aytish mumkinki, matematika darsida masalalar yechishni 1-sinfdanoq
mukammal o‘rgatish joiz deb o‘ylayman. Chunki o‘quvchi matnli masalalarni o‘qib 1-sinfda
qisqa yozuv tuzishga mustaqil o‘rgansagina,keying sinflarda rasm asosida yoki chizma asosida
mustaqil masala tuza oladi deb o‘ylayman. Chunki, masala o‘quvchini fikrlash qobiliyatini
kengaytiradi va so‘z boyligini oshiradi.
Foydalanilgan adabiyotlar:
1. Qosimova “ Matematika o‘qitish metodikasi”
119
Do'stlaringiz bilan baham: |