Dawletmuratov Adilbay Mirzabaevich

lekciyanıń jobası:

1. 
   Ótiw dáwiriniń mazmunı. Bazar ekonomikasına ótiw jolları .
   
2. 
   Bazar ekonomikasına ótiwdiń milliy modelleri
   

1. Ótiw dáwiriniń mazmunı. Bazar ekonomikasına ótiw jolları

Bazar ekonomikası ulıwma insanıylıq xarakterge iye bolǵan sistema bolǵanlıqtan barlıq mámleketler sol joldan baradı. Biraq bir jerde bul sistema qáliplesip úlgergen hám óziniń joqarı dárejesine shıqqan bolsa, basqa jerde ol endi qáliplese baslaǵan. Sonlıqtan bazar ekonomikasına ótiw ulıwma insanıylıq process esaplanadı, biraq bul túrlishe ámelge asırıladı.
Bazar ekonomikasına ótiw hár qıylı ellerde hár túrli jollar hám usıllar arqalı alıp barılıwı múmkin. Bul mámleketlerdiń rawajlanıw jaǵdayına, milliy ózgesheliklerine, úrip-dástúrlerine baylanıslı boladı. Dúnya tájiriybesinde bazar qatnasıqlarına ótiwdiń tómendegi jollarınan paydalanılǵan:

1. 
   Klassik jol – bul joldan Batıs Evropa mámleketleri, AQSh hám Yaponiya sıyaqlı mámleketler barǵan. Bul jolda bazar qatnasıqlarınıń qáliplesiwi áste -aqırın hám uzaq, derlik 300 jıl dawam etken (XVI-XIX ásirler). Bul tábiyiy-tariyxıy process bolǵan. Tábiyatta bolǵanı sıyaqlı ekonomikadaǵı ózgerisler óz halına júz bergen, onı sırttan turıp tezletiw yamasa páseytiw júz bermegen.
   
2. 
   Koloniyalıqtan azat bolǵan mámleketler jolı – bul joldan XX ásirdiń 60- jıllarınan baslap kópshilik, azat bolǵan Aziya, Afrika hám Latın Amerikası mámleketleri barǵan. Bul joldıń áhmiyetli belgisi birinshiden, dástúriy ekonomikadan bazar ekonomikasına jedel ótiliwi, ekinshiden koloniyalıq dáwirinde jaratılǵan sırt el sektorı tusındaǵı bazar qatnasıqlarınan milliylesken sektordaǵı, ǵárezsiz kórinistegi bazar qatnasıqlarına ótiliwi esaplanadı. Eger aldın bazar baylanısları qaramlılıq sharayatında ámelge asırılsa, sońınan milliy ǵárezsizlik sharayatında júz beredi, yaǵnıy olar sırt el mápine emes, al milliy máplerge xızmet etedi.
   
3.