Davlat universiteti “Milliy g`oya, ma`naviyat asoslari va huquq ta‘limi” kafedrasi milliy g`oya: asosiy tushuncha va tamoyillar fani bo‘yicha

O`quv fani bo`yicha ma`ruza va amaliy mashg`ulotlarda o`qitish texnologiyalarini ishlab chiqish kontseptual asoslari

O`zbekiston mustaqilligining dastlabki kunlaridanoq yuksak malakali va yangicha dunyoqarashga ega bo`lgan milliy kadrlarni tayyorlash, hayotimizda muhim ahamiyatga ega bo`lgan masalalar qatorida ta`lim- tarbiya tizimini tubdan isloh qilish, uni zamon talablari darajasiga ko`tarish, barkamol avlodni tarbiyalab voyaga etkazish dolzarb masala bo`lib qoldi. Iqtisodiyotni erkinlashtirish va islohotlarni yanada chuqurlashtirish jarayonida hamda ta`lim tizimini o`rganish asosida mamlakatimiz iqtisodiyotida erishilgan yutuqlarni atroflicha tahlil etish, mavjud muammo va kamchiliklarni batamom bartaraf etish hamda iqtisodiyotni rivojlantirish usullarini ilg`or horijiy tajribalardan samarali foydalanish orqali ta`lim tizimini yanada takomillashtirish masalalari ilgari suriladi. Bunda asosiy e`tibor jahon integratsiyalashuvi jarayonini jadal sur`atlarda rivojlantirish, buning uchun mamlakatimiz tashqi iqtisodiy faoliyatini erkinlashtirish borasida kechiktirib bo`lmaydigan chora- tadbirlarni amalga oshirishga qaratiladi. Hozirgi kunda innovatsion texnologiyalar, pedagogik va axborotlar texnologiyalarini o`quv jarayonida qo`llashga bo`lgan qiziqish, e`tibor kundan – kunga kuchayib bormoqda, bunday bo`lishining sabablaridan biri, shu vaqtgacha an`anaviy ta`limda o`quvchi talabalarni faqat tayyor bilimlarni egallashga o`rgatilgan bo`lsa, zamonaviy texnologiyalar ularni egallayotgan bilimlarini o`zlari qidirib topishlari, mustaqil o`rganib tahlil qilishlariga, hatto xulosalarni ham o`zlari chiqarishlariga o`rgatadi.

Aytilganlardan kelib chiqqan holda “Milliy g`oya: asosiy tushuncha va tamoyillar”” o`quv fani bo`yicha ta`lim texnologiyasini loyihalashtirishdagi asosiy kontseptual yondoshuvlarni keltiramiz:

Shaxsga yo`naltirilgan ta`lim. Bu ta`lim o`z mohiyatiga ko`ra ta`lim jarayonining barcha ishtirokchilarini to`laqonli rivojlanishlarini ko`zda tutadi. Bu esa ta`limni loyihalashtirilayotganda, albatta, ma`lum bir ta`lim oluvchining shaxsini emas, avvalo, kelgusidagi mutaxassislik faoliyati bilan bog`liq o`qish maqsadlaridan kelib chiqqan holda yondshilishni nazarda tutadi.

Tizimli yondoshuv. Ta`lim texnologiyasi tizimning barcha belgilarini o`zida mujassam etmog`i lozim: jarayonning mantiqiyligi, uning barcha bo`g`inlarini o`zaro bog`langanligi, yaxlitligi.