Davlat tili haqida

Bir ma’noli so’zlar
Mustaqil so’zlar atash ma’no anglatishiga ko’ra ikkiga bo’linadi: 1) bir ma’noli so’zlar; 2) ko’p ma’noli so’zlar. Bir ma’noli so’zlar monosemantik (gr. mono –bir, semiya – ma’no) so’zlar deb ham yuritiladi. Ko’p ma’noli so’zlar polisemantik (gr. poli – ko’p, semiya – ma’no) so’zlar deb ham yuritiladi.
Aniq bir ma’noni ifodalash uchun qo’llanilgan so’zlar bir ma’noli so’zlar sanaladi. Bir ma’noli so’zlar gapdan tashqarida ham, gapning ichida ham faqat bitta ma’no ifoda etadi.
Ilmiy, kasb-hunarga doir atamalar, miqdor bildiruvchi sonlar, o’rin-joy nomlari, shuningdek, yangi paydo bo’lgan so’zlar bir ma’noli so’zlar sirasiga kiradi. Yangi so’zlar (neologizmlar) ham davr o’tishi bilan qo’shimcha ma’nolarni anglatadi.
Bir ma’noli so’zlar tilimizda ko’p ma’noli so’zlarga nisbatan kam sonni tashkil qiladi.
Bir ma’noli so’zlarga misollar: men, sen, Toshkent, Mirzacho’l, o’n, tul, kek, cho’pon, stol, stul, doska, slindr, fonetika, fonema, marketing, paynet, telefon, piramida, parallelogram, teorema, valentlik, moliya, biznes, yigirma besh, qirq besh, o’n yetti, Buxoro, Shofirkon, Uchquduq, DTM, BMT, MDH