Давлат солиқ хизмати органлари мансабдор шахсларини уларнинг касбий

1154-савол. Давлат солиқ хизмати органларига хизматга қабул қилиш тартиби ҳақида гапириб беринг.

Жавоб:Давлат солиқ хизмати органларига хизматга қабул қилиш фақатгина vacancy.argos.uz портали орқали ДСҚнинг 2021 йил 11 ноябрдаги 512-сон буйруғи билан тасдиқланган “Давлат солиқ хизмати органларига хизматга қабул қилиш тартиби тўғрисида”ги Низомга асосан амалга оширилади.
Бунда:
Танлов ташкил этилади (танлов комиссияси тузилади); Танлов эълон қилинади;
Номзодлардан ҳужжатларни қабул қилади; Танлов босқичларини ташкил этади;
Ишга қабул қилиш ёки ишга қабул қилишни рад этиш тўғрисидаги қарор ҳақида номзод ҳабардор қилинади.

1155-савол. Давлат солиқ хизмати органларига хизматга қабул қилиш бўйича танлов босқичларини айтинг.

Жавоб: Танлов қуйидаги босқичларда ўтказилади:
биринчи босқич-танлов ўтказилиши тўғрисида эълон қилиш;
иккинчи босқич-малакага оид талабларга мувофиқлигини ўрганиш; учинчи босқич-тест синовларини ўтказиш;
тўртинчи босқич-шахсига оид маълумотларни ўрганиш; бешинчи босқич-суҳбат ўтказиш.

1156-савол. Меҳнат шартномаси бекор қилинганида қандай ишлар амалга оширилиши лозим?

Жавоб: Меҳнат шартномаси бекор қилинган куни иш берувчи ходимга унинг меҳнат дафтарчасини ва меҳнат шартномасининг бекор қилиниши ҳақидаги буйруқнинг нусхасини бериши шарт.
Меҳнат шартномаси бекор қилинган куни ходим ишда бўлмаган тақдирда, иш берувчи ўша куниёқ унга почта орқали меҳнат дафтарчасини олиб кетиш тўғрисида огоҳлантирувчи хабарнома жўнатади. Ходимнинг меҳнат дафтарчасини яшаш жойига почта орқали жўнатиш фақат унинг розилиги билан амалга оширилади.

1157-савол. Интизомий жазо чораси қўллаш муддатлари ва нечта чора кўрилиши мумкинлиги тўғрисида гапириб беринг.

Жавоб: Ҳар бир ножўя хатти-ҳаракат учун фақат битта интизомий жазо қўлланиши мумкин.
Интизомий жазо бевосита ножўя хатти-ҳаракат аниқлангандан кейин, аммо бу хатти-ҳаракат аниқлангандан бошлаб, ходимнинг касал ёки таътилда бўлган вақтини ҳисобга олмасдан, узоғи билан бир ой ичида қўлланилади.
Ножўя хатти-ҳаракат содир этилган кундан бошлаб олти ой ўтганидан, молия-хўжалик фаолиятини тафтиш этиш ёки текшириш натижасида аниқланганда эса, — содир этилган кундан бошлаб икки йил ўтганидан кейин жазони қўллаб бўлмайди.