Давлат солиқ хизмати органлари мансабдор шахсларини уларнинг касбий

ИНСОН РЕСУРСЛАРИНИ РИВОЖЛАНТИРИШ ДЕПАРТАМЕНТИ БЎЙИЧА САВОЛЛАР


1146-савол. Меритократия сўзи маъноси нима?
Жавоб: Меритократия (сўзма-сўз таржима қилинганида “муносиб куч”, лотинча “меритус” – “лойиқ” ва қадимги юнонча “ҳокимият, ҳукумат” маъноларини билдиради) бошқарув тамойилидир. Унга кўра, шахсларнинг ижтимоий ва молиявий жиҳатидан қатъи назар, энг қобилиятли одамлар етакчи ўринларни эгаллаши керак, деган мазмунда ифодаланиши мумкин.

1147-савол. «Ягона миллий меҳнат тизими» идоралараро дастурий- аппарат комплекси қайси норматив ҳужжатга асосан жорий қилинган ва нима мақсадда татбиқ қилинган?

Жавоб: ходимларнинг меҳнат стажини ҳисоблаш механизмини такомиллаштириш, ижтимоий-меҳнат соҳасига замонавий ахборот- коммуникaция технологияларини жорий этиш мақсадида Ўзбекистон Республикаси Президентининг 2019 йил 31 октябрдаги ПҚ-4502-сон қарорига мувофиқ Ўзбекистон Республикасида 2020 йил 1 январдан бошлаб янги меҳнат шартномаларини тузиш, амалдаги меҳнат шартномаларига ўзгартириш киритиш, шунингдек, уларни тугатиш ҳолатларини Ягона миллий меҳнат тизимида мажбурий рўйхатдан ўтказиш тартиби жорий этилган.

1148-савол. Қайси ҳолларда ва қандай тартибда меҳнат таътилларини пуллик компенсaцияси билан алмаштириш мумкин?

Жавоб: Меҳнат кодексининг 151-моддасига мувофиқ, ходимнинг хоҳишига кўра,
меҳнат таътилининг ўн беш иш кундан фойдаланиши шарт;
ундан қолган қисмига пуллик компенсaцияси билан алмаштирилиши мумкин.

1149-савол. Дастлабки синов муддати кимларга нисбатан қўлланилмайди?

Жавоб:

• 
  ҳомиладор аёллар,
  
• 
  уч ёшга тўлмаган боласи бор аёллар;
  
• 
  корхона учун белгиланган минимал иш жойлари ҳисобидан ишга юборилган шахслар;
  
• 
  ўрта махсус, касб-ҳунар таълими муассасаларининг ҳамда олий ўқув юртларининг тегишли таълим муассасасини тамомлаган кундан эътиборан уч йил ичида биринчи бор ишга кираётган битирувчилари ишга қабул қилинганда, шунингдек ходимлар билан олти ойгача муддатга меҳнат шартномаси тузилиб, ишга қабул қилинганда дастлабки синов белгиланмайди.