Давлат солиқ хизмати органлари мансабдор шахсларини уларнинг касбий

1127-савол. «Электрон ҳужжат алмашиш» автоматлаштирилган ахборот тизимида (ЭДО) кирим қилинган ҳужжатни тўғрилаш зарурати туғилса, қайси тугма босилади?

Жавоб: Кирим қилинган ҳужжатни тўғрилаш зарурати туғилганда
«Таҳрирлаш» тугмаси босилади ва ўзгартирилади.

1128-савол. «Электрон ҳужжат алмашиш» автоматлаштирилган ахборот тизимидан (ЭДО) фойдаланиш тартиби тизимда акс эттирилганми?

Жавоб: Тизимнинг тепа қисмидаги «Ёрдам» ойнасига тизимдан фойдаланиш учун кўрсатмалар жойлаштирилган.

1129-савол. Мурожаатларни кўриб чиқиш тартиби қайси қонун ҳужжатида белгилаб берилган?

Жавоб: Ўзбекистон Республикасининг «Жисмоний ва юридик шахсларнинг мурожаатлари тўғрисида»ги Қонуни билан белгилаб берилган.

1130-савол. “Жисмоний ва юридик шахсларнинг мурожаатлари тўғрисида”ги Қонуни нима мақсадда қабул қилинган?

Жавоб: Мазкур қонун давлат органлари ва давлат муассасаларига, шунингдек уларнинг мансабдор шахсларига жисмоний ва юридик шахсларнинг мурожаатлари соҳасидаги муносабатларни тартибга солиш мақсадида қабул қилинган.

1131-савол. Жисмоний ва юридик шахсларнинг мурожаатлари тўғрисидаги Қонун ҳужжатларини бузганлик учун қандай чоралар белгиланган?

Жавоб: Маъмурий жавобгарлик тўғрисидаги кодекснинг 43-моддасига мувофиқ энг кам иш ҳақининг бир бараваридан уч бараваригача миқдорда маъмурий жарима солишга сабаб бўлади.
Шунингдек, агар жисмоний ва юридик шахсларнинг мурожаатлари тўғрисидаги қонун ҳужжатларини бузиш жисмоний ва юридик шахсларнинг ҳуқуқларига, эркинликларига ёки қонун билан қўриқланадиган манфаатларига ёхуд жамият ва давлат манфаатларига жиддий зиён етказилишига сабаб бўлса ёки уларни, оила аъзоларини, вакилларини мурожаатидаги танқид учун таъқиб этиш Жиноят кодексининг 144-моддасига асосан жиноий жавобгарликка ҳам тортилиши белгиланган.

1132-савол. Мурожаат неча кун муддат кўриб чиқилади?

Жавоб: Мурожаат келиб тушган кундан эътиборан ўн беш кун ичида, қўшимча ўрганиш ва (ёки) текшириш, қўшимча ҳужжатларни сўраб олиш талаб этилганда эса бир ойгача бўлган муддатда кўриб чиқилади.