Давлат солиқ хизмати органлари мансабдор шахсларини уларнинг касбий

1117-савол. “Электрон ҳужжат алмашиш” автоматлаштирилган ахборот тизими (ЭДО) маълум бир ҳужжатнинг ижроси бўйича унинг тарихини кўриш имконияти мавжудми, агар мавжуд бўлса қандай тартибда кўрилади?

Жавоб: Ҳужжатнинг айланиши бўйича тарихини дастур ойнасининг ўнг томони тепа қисмидаги “ҳужжат тарихи” номли тугма босилади.
Унда шаклланган маълумотда, ҳужжатни кирим қилинишидан бошлаб уни назоратдан олингунга қадар барча оперaция (резолюцияларнинг кетма- кетлиги, ким томонидан ва қайси ИП манзилдаги компьютер орқали қайси санада амалга оширилгани, келишиш ва ҳ.к.)ни кўриш имконияти мавжуд.

1118-савол. Назорат қилинадиган ва бажарилиши текшириладиган ҳужжатларга қайси ҳужжатлар киради?

Жавоб: Назорат қилинадиган ва бажарилиши текшириладиган ҳужжатларга қуйидагилар киради:
Ўзбекистон Республикаси Президенти фармонлари, қарорлари, фармойишлари, топшириқлари;
Ўзбекистон Республикаси Президенти Администрaцияси топшириқлари;
Ўзбекистон Республикаси Президенти маслаҳатчилари топшириқлари; Вазирлар Маҳкамаси қарорлари, фармойишлари, мажлис баёнлари; Иш юритиш бўйича йўриқномада белгиланадиган бошқа ҳужжатлар.

1119-савол. Ўзбекистон Республикаси Президенти Администрaцияси, Вазирлар Маҳкамасидан келган ҳужжатларнинг жавобларида топшириқ ҳужжатидаги қандай маълумот кўрсатилади?

Жавоб: Ўзбекистон Республикаси Президенти Администрaцияси, Вазирлар Маҳкамасидан келган ҳужжатларга юборилаётган жавобларда келган ҳужжатнинг чиқиш рақами, санаси ва қисқача топшириқ мазмуни кўрсатилади.

1120-савол. Вазирлар Маҳкамаси топшириқлари ҳужжат жўнатилган кундан бошлаб неча кун мобайнида бажарилиши керак?

Жавоб: Вазирлар Маҳкамаси топшириқлари, агар бошқа муддат белгиланмаган бўлса, ҳужжат жўнатилган кундан бошлаб 10 календарь кун мобайнида бажарилиши керак.

1121-савол. Қонунлар, қарорлар ва фармойишларнинг лойиҳаларига келишувчи идоралар раҳбарлари неча кун мобайнида хулоса беришлари лозим?

Жавоб: Давлат солиқ қўмитасига келиб тушадиган қонун лойиҳалари бўйича 7 календарь кун;
қарор лойиҳалари бўйича 3 календарь кун;
фармойиш лойиҳалари бўйича эса кўпи билан 2 календарь куни мобайнида хулоса тайёрланиб, юборилиши лозим.