Давлат солиқ хизмати органлари мансабдор шахсларини уларнинг касбий

1105-савол. Нафақани тайинлаш ёки рад этиш тўғрисида қарор ким томонидан қабул қилинади?

Жавоб: Инсон омилисиз “ягона реестр” томонидан автоматик равишда.

1106-савол. “Аёллар дафтари”га киритилган хотин-қизларни бизнес ва тадбиркорлик ўқитиш дастури муддати қанча?

Жавоб: 6 кунлик (48 соат) ўқув дастури.

1107-савол. Ўқув курсларини тамомлаган ҳар бир битирувчи (ёшлар, хотин-қизлар) учун касб-ҳунар ва тадбиркорликка ўқитиш бўйича нодавлат таълим ташкилотларига сарфланган ҳаражатларнинг қанча миқдори давлат томонидан компенсaция қилиш тартиби ўрнатилган.

Жавоб: 70 фоиз, бироқ ҳар бир битирувчига 1 миллион сўмдан ортиқ бўлмаган миқдори.

1108-савол. Ёшлар ва хотин-қизларни касб-ҳунар ҳамда тадбиркорликка ўқитиш дастурларида иштирок этувчи нодавлат таълим ташкилотларининг ўқитишга сарфланган ҳаражатлари қайси жамғарма томонидан компенсaция қилиб берилади?

Жавоб: Тадбиркорликни ривожлантириш агентлиги ҳузуридаги Тадбиркорлик фаолиятини қўллаб-қувватлаш давлат жамғармаси.

1109-савол. Стартап лойиҳани амалга оширишнинг устун жиҳатлари нималар?

Жавоб: Янги ғоя асосида стартап лойиҳасини амалга оширишда рақобатчи кам ва бозорда талаб юқорилиги, инновaцияларни яратилиши, илм- фан юксалиши, аҳолининг, айниқса, ёшларнинг изланиши, қўшимча иш ўринлари яратилиши.

1110-савол. Кимлар ёш тадбиркорлик субъекти бўлиб ҳисобланади?

Жавоб: Ўн саккиз ёшга тўлган ва ўттиз ёшдан ошмаган ҳамда юридик шахс мақомида ёки таъсисчилари сифатида саноат ёки хизмат кўрсатиш йўналишида инвестиция лойиҳасини амалга ошириш истагини билдирган фуқаролар.

1111-савол. Кредит категориясининг мазмуни?

Жавоб: Бўш турган пул маблағларини ссуда фонди шаклида тўплаш ва уларни пулга муҳтож бўлган юридик ва жисмоний шахсларга маълум муддатга, фоиз тўловлари эвазига қайтариш шарти билан қарзга бериш муносабатларини ифодалайди.
ТАШКИЛИЙ ИШЛАР ВА НАЗОРАТ БОШҚАРМАСИ БЎЙИЧА САВОЛЛАР