Давлат солиқ хизмати органлари мансабдор шахсларини уларнинг касбий

1067-савол. Аҳоли бандлигига кўмаклашиш маркази томонидан енгил конструкцияли иссиқхоналар ўрнатиш учун қанча миқдорда субсидиялар ажратилади?

Жавоб: Базавий ҳисоблаш миқдорининг 30 бараваригача.

1068-савол. Ишсиз фуқароларга керак бўлган асбоб-ускуна, меҳнат қуролларини ҳарид қилиш учун бандликка кўмаклашиш давлат жамғармасидан қанча миқдорда субсидия ажратилади?

Жавоб: 7 миллион сўмгача.

1069-савол. Ишсизларга касбга ўқитиш даврида стипендия неча ҳафта тўланади?

Жавоб: 26 календарь ҳафтагача.

1070-савол. Ҳақ тўланадиган жамоат ишларига жалб этилган ҳар бир фуқарога қанча миқдорда иш ҳақи тўланади?

Жавоб: Меҳнатга ҳақ тўлашнинг энг кам миқдорининг 1 бараваридан 2 баробаригача.

1071-савол. Тадбиркорлик фаолияти билан шуғулланиш истагида бўлган ишсиз шахсларга қанча миқдорда субсидия маблағлари ажратилади?

Жавоб: Базавий ҳисоблаш миқдорининг 10 бараваригача.

1072-савол. Малака ошириш субсидияси кимларга ажратилади?

Жавоб: Ишсиз ва иш қидираётган шахсларни меҳнат органлари йўлланмаси орқали ишга қабул қилган иш берувчиларга.

1073-савол. Аҳоли бандлигига кўмаклашиш марказларига мурожаат қилган шахсларни рўйхатга олишда ёшнинг чегараланиши қанча?

Жавоб: 16 ёшдан нафақа олиш ҳуқуқини олгунча.

1074-савол. Аҳолининг ижтимоий эҳтиёжманд тоифалари деганда нимани тушунасиз?

Жавоб: Ижтимоий ҳимояга муҳтож бўлган ва иш топишда қийналаётган ҳамда меҳнат бозорида тенг шароитларда рақобатлаша олмайдиган шахслар.

1075-савол. Банд бўлмаган аҳоли (банд бўлмаган шахслар)га кимлар киради?

Жавоб: Ишга ва иш ҳақи (меҳнат даромади) келтирадиган машғулотга эга бўлмаган, иш қидираётган ҳамда ишга киришишга тайёр бўлган, ишсиз шахслар деб эътироф этилган ўн олти ёшдан то пенсия таъминоти ҳуқуқини олиш ёшигача бўлган меҳнатга лаёқатли шахслар.

1076-савол. Ҳақ тўланадиган жамоат иши нима?

Жавоб: Ишсиз ва банд бўлмаган аҳоли учун умумжалб этиш мумкин бўлган, алоҳида тайёргарлик ва малака талаб қилмайдиган, ҳақ тўланадиган вақтинчалик меҳнат фаолияти турлари.