Давлат солиқ хизмати органлари мансабдор шахсларини уларнинг касбий

1046-савол. Солиқ органи қарори билан хатлаб қўйилган мол-мулклари қаерда туришини (сақланишини) ким белгилайди?

Жавоб: Мол-мулкни хатлаб қўйиш тўғрисида қарор чиқарган солиқ органининг раҳбари (раҳбар ўринбосари) хатлаб қўйилган мол-мулк туриши лозим бўлган жойни белгилайди.

1047-савол. Хатланган мол-мулкни растрата қилиш мумкинми?

Жавоб: Хатлаб қўйилган мол-мулкни бошқа шахсга беришга, растрата қилишга ёки яширишга йўл қўйилмайди.

1048-савол. Давлат солиқ хизмати органларининг аризалари бўйича қўзғатилган банкротликнинг соддалаштирилган таомилларини ўтказишда суд бошқарувчиларини давлат солиқ хизмати органлари ходимлари орасидан тайинлаш амалиёти қайси норматив ҳужжатга асосан бекор қилинди?

Жавоб: Ўзбекистон Республикаси Президентининг “Банкротлик таомилларини янада соддалаштириш ва суд бошқарувчилари фаолиятини тубдан такомиллаштириш чора-тадбирлари тўғрисида” 2019 йил 1 февралдаги ПҚ-4146-сонли қарорига асосан.

1049-савол. Сохта банкротлик бу нима?

Жавоб: Хўжалик юритувчи субъектнинг ўз мажбуриятларини иқтисодий жиҳатдан бажара олмаслиги ҳақида била туриб, ҳақиқатга тўғри келмайдиган эълон бериши кредиторларга кўп миқдорда зарар етказилиши.

1050-савол. Ўзбекистон Республикасининг “Тўловга қобилиятсизлик тўғрисида”ги Қонунига асосан банкротликка ариза киритиш тартибида қандай ўзгариш бўлди?

Жавоб: Соддалаштирилган тартиби қўлланилганда, агар қарздор билан бошқача келишув белгиланган бўлмаса, суд бошқарувчисига ҳақ тўлаш ҳаражатларининг ўрни қарздорга нисбатан тўловга қобилиятсизлик ҳақида иш қўзғатиш тўғрисида ариза берган солиқ органи томонидан Давлат бюджети маблағлари ҳисобидан қопланади. Бунда, суд бошқарувчисига ҳақ тўлаш учун суднинг депозит ҳисобварағига меҳнатга ҳақ тўлаш энг кам миқдоринингетти баравари миқдорида олдиндан тўлов амалга оширилади.

1051-савол. Ўзбекистон Республикаси Адлия вазирлиги томонидан 2020 йил 30 июнда 3256-сон билан рўйхатдан ўтказилган “Ундирилиши умидсиз деб эътироф этилган солиқ қарзини ҳисобдан чиқариш тартиби тўғрисида”ги низом талаблари қандай корхоналарга нисбатан тақдим этилмайди?

Жавоб: Мазкур низом талаблари бюджет ташкилотлари, давлат корхоналари ва нотижорат ташкилотларига нисбатан татбиқ этилмайди.