Давлат солиқ хизмати органлари мансабдор шахсларини уларнинг касбий

1030-савол. Умидсиз қарз тушунчасига таъриф беринг.

Жавоб: Суд қарори билан мажбуриятнинг бекор қилиниши, ёхуд банкротлик, тугатиш, қарздорнинг вафоти ёки даъво муддати тугаши сабабли тўланиши мумкин бўлмаган қарз.

1031-савол. Жисмоний шахсларга тегишли солиқ қарзини мажбурий ундириш чоралари қандай тартибда қўлланилади?

Жавоб: Фақат суд тартибида ундирилади.

1032-савол. Солиқ қарзини дебитори ҳисобидан ундириш мумкинми?

Жавоб: Йўқ мумкин эмас, бу амалиёт бекор қилинган.

1033-савол. Давлат ижрочилари қарздорнинг қарзини унинг раҳбарлари, мулкдорлари ёки таъсисчилари ҳисобидан ундириши мумкинми?

Жавоб: Суд ҳужжатлари ва бошқа органлар ҳужжатларини ижро этиш тўғрисидаги Қонуннинг 48-3-моддасига асосан суд ажрими асосида.

1034-савол. Якка тартибдаги тадбиркор вафот этганда ёки вафот этган деб эълон қилинганда унинг солиқ қарзи қайси орган томонидан ҳисобдан чиқарилади?

Жавоб: Солиқ органи томонидан.

1035-савол. Солиқни тўлаш бўйича кечиктириш (бўлиб-бўлиб тўлаш) имкониятини бериш тўғрисида ариза берилганда пенялар қандай ҳисобланади?

Жавоб: Солиқни тўлаш бўйича кечиктириш (бўлиб-бўлиб тўлаш) имкониятини бериш тўғрисида ариза берилганлиги тўланиши лозим бўлган солиқ суммасига пенялар ҳисобланишини тўхтатиб турмайди.

1036-савол. Солиқ мажбурияти бўйича даъво қилиш муддати неча

йил?


Жавоб: Солиқ кодексининг 88-моддасига асосан 5 йил.

1037-савол. Қандай солиқ қарзи тан олинган ҳисобланади?

Жавоб: Солиқ қарзини узиш тўғрисидаги талабнома берилган санадан

бошлаб ўн календарь кун ичида солиқ тўловчи томонидан эътироз билдирилмаган қарз ёки суд қарори билан тасдиқланган қарз.

1038-савол. Солиқ қарзини узиш тўғрисидаги талабнома нима?

Жавоб: Солиқ тўловчига унинг зиммасидаги солиқ қарзи суммаси тўғрисида, шунингдек шу қарз суммасини белгиланган муддатда тўлаш мажбурияти ҳақида хабар юбориш солиқ қарзини узиш тўғрисидаги талабнома ҳисобланади.