Давлат солиқ хизмати органлари мансабдор шахсларини уларнинг касбий

1052-савол. Пеня нима?

Жавоб: Солиқ тўловчи солиқ тўғрисидаги қонунчиликда белгиланган солиқларни тўлаш муддатини бузган тақдирда тўлаши лозим бўлган пул суммаси пенядир.

1053-савол. Солиқларни тўлаш муддатларини ўзгартиришнинг қандай шакллари бор?

Жавоб: Солиқ тўлаш муддатини ўзгартириш уни тўлашни кечиктириш ёки бўлиб-бўлиб тўлаш шаклида амалга оширилади.

1054-савол. Қайси ҳолатларда солиқни тўлаш муддати ўзгартирилиши мумкин эмас?

Жавоб: Қуйидаги ҳолатларда солиқни тўлаш муддати ўзгартирилиши мумкин эмас:

1. 
   Солиқ тўғрисидаги қонунчиликнинг бузилиши билан боғлиқ жиноят аломатлари бўйича солиқ тўловчига жиноий иш қўзғатилган бўлса,
   
2. 
   Ўз пул маблағларини ёки бошқа мол-мулкини яшириш учун фойдаланишини ёки доимий яшаш учун чет элга чиқиб кетишини тахмин қилиш учун етарлича асослар мавжуд бўлса;
   
3. 
   Солиқни тўлаш муддатини ўзгартириш тўғрисида ариза берган кундан олдинги уч йил мобайнида илгари берилган кечиктириш ёки бўлиб- бўлиб тўлаш имкониятининг амал қилишини тугатиш тўғрисида қарор чиқарилган бўлса;
   
4. 
   Банкротлик тўғрисида иш қўзғатилган бўлса;
   
5. 
   Солиқ тўловчи Солиқ кодексининг 100-моддаси иккинчи қисмининг 3-2-банди бўйича юқори даражадаги таваккалчилик тоифасига киритилган бўлса.
   

1055-савол. Солиқ тўлашни кечиктириш ёки бўлиб-бўлиб тўлаш имконияти манфаатдор шахсга қандай асослар бўлганда берилади?

Жавоб: Қуйидаги асосларнинг лоақал биттаси мавжуд бўлганда Солиқ тўлашни кечиктириш ёки бўлиб-бўлиб тўлаш имконияти берилиши мумкин:

1. 
   ушбу шахсга табиий офат, технологик фалокат ёки бошқа бартараф этиб бўлмайдиган ҳолатлар натижасида зарар етказилганлиги;
   
2. 
   ушбу шахсни бюджетдан (давлат мақсадли жамғармаларидан) молиялаштириш кечиктирилганлиги ёки ушбу шахс томонидан бажарилган давлат буюртмаси, давлат эҳтиёжлари ёки маҳаллий давлат ҳокимияти органларининг эҳтиёжлари учун бажарилган ишлар ва (ёки) кўрсатилган хизматлар ҳақини тўлаш кечиктирилганлиги;
   
3. 
   манфаатдор шахс солиқни бир йўла тўлаши оқибатида унинг ночорлиги (банкротлиги) аломатлари пайдо бўлиши хавфи юзага келганлиги;
   

3-1) манфаатдор шахс фаолиятни уч йилдан ортиқ вақтдан буён амалга ошираётганлиги ҳамда ҳисобланган солиқларни ўз вақтида тўлаб келганлиги, аммо молиявий аҳволига кўра солиқ қарзини белгиланган муддатларда тўлаш имкониятига эга бўлмаганлиги;
3-2) агар манфаатдор шахс (тадбиркорлик субъекти) ушбу Кодекс 101-моддасининг биринчи қисмига биноан солиқ тўлашни кечиктириш ҳуқуқи тўғрисидаги хабарномани ер участкалари, бинолар ва иншоотларга бўлган мулк ҳуқуқи давлат рўйхатидан ўтказилган кундан эътиборан уч ой ичида солиқ тўловчининг шахсий кабинети орқали ер участкалари, бинолар ва иншоотларга бўлган мулк ҳуқуқи давлат рўйхатидан ўтганлигининг қайд рақамини ва санасини кўрсатган ҳолда солиқ органларига юборган бўлса;

4. 
   жисмоний шахснинг мулкий ҳолати (қонунчиликка мувофиқ ундирув қаратилиши мумкин бўлмаган мол-мулк ҳисобга олинмаганда) солиқни бир йўла тўлаш имкониятини истисно этиши;
   
5. 
   манфаатдор шахс томонидан товарлар ёки хизматларни ишлаб чиқариш ва (ёки) реализaция қилиш мавсумий хусусиятга эга эканлиги;
   
6. 
   Ўзбекистон Республикасининг божхона чегараси орқали товарлар олиб ўтилиши муносабати билан божхона тўғрисидаги қонунчиликда белгиланган тўланиши лозим бўлган солиқларни тўлашни кечиктириш ёки бўлиб-бўлиб тўлаш имкониятини бериш учун асослар мавжуд эканлиги.