Давлат солиқ хизмати органлари мансабдор шахсларини уларнинг касбий

1039-савол. Солиқ тўловчига солиқ қарзини узиш тўғрисидаги талабнома қачон юборилади?

Жавоб: Солиқ қарзини узиш тўғрисидаги талабнома солиқ тўловчига ушбу қарз аниқланган кундан эътиборан ёки солиқ текшируви натижалари бўйича аниқланган солиқ қарзини узиш тўғрисидаги қарор кучга кирган санадан эътиборан уч иш кунидан кечиктирмай юборилиши керак.

1040-савол. Солиқ қарзини ундириш қайси кетма-кетликда амалга оширилади?

Жавоб: Солиқ қарзини тўлаш, шу жумладан уни солиқ органлари томонидан ундириш чоғида тўлаш солиқлар суммаси, ҳисобланган пенялар ва жарималар кетма-кетликда амалга оширилади.

1041-савол. ДСҚнинг “Ундирилиши умидсиз деб эътироф этилган солиқ қарзини ҳисобдан чиқариш тартиби тўғрисидаги низомни тасдиқлаш ҳақида”ги қарори қачон Адлия вазирлиги томонидан рўйхатга олинган?

Жавоб: Давлат солиқ қўмитасининг “Ундирилиши умидсиз деб эътироф этилган солиқ қарзини ҳисобдан чиқариш тартиби тўғрисидаги низомни тасдиқлаш ҳақида”ги қарори Адлия вазирлиги томонидан 2020 йил 30 июнда 3256-рақам билан рўйхатга олинган.

1042-савол. Солиқ органининг инкассо топшириқномаси солиқ тўловчининг ҳисобварағига қачон қўйилади?

Жавоб: Агар солиқ тўловчи солиқни тўлаш учун тўлов топшириқномасини мустақил равишда юбормаган бўлса, солиқ органининг инкассо топшириқномаси солиқ тўловчининг ҳисобварағига солиқни тўлаш учун белгиланган муддат тугагач уч иш кунидан кечиктирмай қўйилади.

1043-савол. Солиқни тўлаш муддатини ўзгартириш деб нимага айтилади?

Жавоб: Солиқ тўлашнинг муддатини кейинроқ муддатга кўчириш солиқни тўлаш муддатини ўзгартириш деб эътироф этилади.

1044-савол. Солиқ қарзини узиш тўғрисидаги талабноманинг шакли қайси орган томонидан тасдиқланади?

Жавоб: Солиқ қарзини узиш тўғрисидаги талабноманинг шакли Ўзбекистон Республикаси Давлат солиқ қўмитаси томонидан тасдиқланади.

1045-савол. Солиқ органи мажбуриятга эга шахснинг мол-мулки ҳисобидан солиқ қарзини ундириш тўғрисида қарорни мажбурий ижро этувчи давлат органи қанча муддатда ижро ҳаракатларини амалга ошириши лозим?

Жавоб: Давлат ижрочиси солиқ қарзи бўйича мажбуриятга эга шахснинг мол-мулки ҳисобидан ундириш тўғрисидаги қарор ўзига келиб тушган кундан эътиборан икки ойлик муддатда ижро ҳаракатларини амалга ошириши ва ушбу қарорда мавжуд бўлган талабларни бажариши керак.