Давлат солиқ хизмати органлари мансабдор шахсларини уларнинг касбий

1017-савол. Солиқ органи қарори асосида солиқ тўловчининг мол-мулкини солиқ қарзи ҳисобига хатлаш неча кун ичида амалга оширилади?

Жавоб: Солиқ қарзини узиш тўғрисида талабнома солиқ тўловчига юборилган кундан бошлаб 10 кун ичида эътироз билдирмаган ҳамда 15 календарь куни ичида тўланмаган тақдирда.

1018-савол. Қайси асосларга кўра солиқ тўлашни кечиктириш ва бўлиб-бўлиб тўлашга фоиз ҳисобланмайди?

Жавоб: Табиий офатлар, технологик фалокатлар, шунингдек бюджетдан молиялаштириш ёки давлат буюртмасини тўлашнинг кечикиши натижасида шахсга зарар етказилиши муносабати билан солиқларни тўлаш муддатлари ўзгартирилганда.

1019-савол. Қандай солиқ қарзи тан олинмаган солиқ қарзи деб аталади?

Жавоб: Солиқ қарзини узиш тўғрисидаги талабнома берилган санадан бошлаб ўн календарь куни ичида солиқ тўловчи томонидан эътироз билдирилган солиқ қарзи.

1020-савол. Солиқларни тўлаш муддатини ўзгартириш қандай суммаларга нисбатан берилади?

Жавоб: Солиқларни тўлаш муддатини ўзгартириш тўғрисида қарор қабул қилингунига қадар юзага келган қарз суммасига ёки келгусида юзага келадиган қарз суммага.

1021-савол. Солиқ тўлашни кечиктириш ёки бўлиб-бўлиб тўлаш қанча муддатга берилади?

Жавоб: Вазирлар Маҳкамаси 3 йил, Давлат солиқ қўмитаси ва божхона органлари 1 йил ҳамда маҳаллий давлат ҳокимияти органлари 2 йил муддатга.

1022-савол. Давлат солиқ қўмитаси қайси солиқ турларининг тўлаш муддатини узайтириш ваколатига эга?

Жавоб: Қўшилган қиймат солиғи, акциз солиғи, фойда солиғи, жисмоний шахслардан олинадиган даромад солиғи ва ер қаъридан фойдаланганлик учун солиғи бўйича.
Шунингдек, Давлат солиқ қўмитаси Солиқ кодекснинг 17-моддасида кўрсатилган солиқларни, айланмадан олинадиган солиқни 100-модданинг 3-1 ва 3-2-бандларидан келиб чиқиб, мол-мулк гаровисиз, кафилликсиз ёки банк кафолатисиз бўлиб-бўлиб тўлаш имкониятини тақдим этишга (бундан жисмоний шахслардан олинадиган даромад солиғи, ижтимоий солиқ, тўлов манбаида олинадиган фойда солиғи ҳамда солиқ агенти сифатида тўланадиган қўшилган қиймат солиғи мустасно) ҳам ҳақли.