Давлат ўрмон фондига кирмайдиган дарахтлар ва буталарнинг қимматбаҳо навларини сақлашга доир қўшимча чора-тадбирлар тўғрисида Ўзбекистон Республикаси Президентининг

O‘zbekiston Respublikasining Bosh vaziri A. ARIPOV
Toshkent sh.,
2019-yil 17-yanvar,
43-son
Vazirlar Mahkamasining 2019-yil 17-yanvardagi 43-son qaroriga
ILOVA
Davlat o‘rmon fondiga kirmaydigan yerlarda daraxtlar va butalarni ekish, parvarish qilish, kesish hamda daraxtlarni xatlovdan o‘tkazish tartibi to‘g‘risida
NIZOM
1-bob. Umumiy qoidalar
1. Ushbu Nizom davlat o‘rmon fondiga kirmaydigan yerlarda daraxtlar va butalarni ekish, parvarish qilish, butash, kesish, shu jumladan, sanitariya maqsadida kesish hamda daraxtlarni xatlovdan o‘tkazish tartibini belgilaydi.
2. Ushbu Nizom talablari:
jismoniy shaxslarning tomorqa yer uchastkalarida o‘sadigan daraxtlar va butalarga;
pitomnik va plantatsiyalarda yetishtiriladigan daraxtlar, nihollar va butalarga;
yuridik yoki jismoniy shaxslarning mulki bo‘lgan va ular tomonidan qurilish materiali hamda hosil olish maqsadida ekilgan daraxtlar va butalarga nisbatan tatbiq etilmaydi.
3. Nizomda quyidagi asosiy tushunchalar qo‘llaniladi:
daraxtlarni ekish — nihollar yoki qalamchalarni ekish yoki ko‘p yillik daraxtlarni bir joydan boshqa joyga ko‘chirish;
butalarni ekish — sun’iy (madaniy) sharoitda yetishtirilgan butasimon o‘simliklar ko‘chatlarini ekish yoki ularni bir joydan ikkinchi joyga ko‘chirish;
parvarish qilish — daraxtlar va butalarni sug‘orish, oziqlantirish, butash, oqlash, shuningdek, turli zararkunanda va kasalliklar ta’sirida zararlangan yoki kasalliklarga chalingan daraxtlar va butalarga yoxud bunday holatlarning oldini olish maqsadida agrotexnika qoidalariga rioya etgan holda kimyoviy ishlov berish;
butash — daraxtlar va butalarning o‘sish darajasiga shikast yetkazmasdan, agrotexnika qoidalariga rioya etgan holda shakl berish;
daraxtlar va butalarni kesish — binolar, inshootlar va kommunikatsiyalarni qurish hamda rekonstruksiya qilishda qurilish maydonidagi yoki texnika va moslamalarning ishlashiga, infratuzilmalarni joylashtirishga xalaqit beradigan daraxtlar va butalarni tag qismidan kesib olib tashlash;