Давлат фуқаролик хизматини ўташ тартиби тўғрисида низом

биринчи босқич – танлов ўтказилиши тўғрисида эълон бериш;
иккинчи босқич – номзодлар ҳужжатларини қабул қилиш ва саралаш;
учинчи босқич – тест синовлари ва/ёки ёзма имтиҳон;
тўртинчи босқич – суҳбат;
бешинчи босқич – номзод бўйича қарор кабул қилиш.
Давлат органлари ва ташкилотлари танловни ўтказиш учун уларнинг бюджетдан ташқари маблағлари ҳисобидан аутсорсинг шартномаси асосида бошқа ташкилотларни жалб қилиши мумкин.

1. 
   Танлов ўтказиш шаффофлиги ва холислигини таъминлаш мақсадида учинчи ва тўртинчи босқичларда видеоёзув қурилмаларидан фойдаланилади.
   
2. 
   Ишчи орган:
   

танлов эълон қилади ва номзодлардан тегишли ҳужжатларини қабул қилишни амалга оширади;
номзодлар томонидан тақдим этилган ҳужжатлар асосида уларни малака талабларига мувофиқлигини ўрганади;
тест синовлари, ёзма имтиҳон ва оғзаки суҳбатни ўтказилишини ташкиллаштиради ҳамда тест синовлари ва ёзма имтиҳон натижаларини баҳолайди;
номзодларни танлов босқичлари ўтиши, ишга қабул қилинганлиги ёки ишга қабул қилиниши рад этилганлиги тўғрисида хабардор қилади.

1. 
   Танлов комиссияси:
   

тест синовлари ва ёзма имтиҳон натижаларини тасдиқлайди;
номзодлар билан суҳбат ўтказади;
давлат органи ёки ташкилот раҳбарига тавсиялар тайёрлайди ва кўриб чиқиш учун киритади.
Глава 3. Танловни эълон қилиш ва ўтказиш

1. 
   Ишчи орган томонидан вакант лавозимлар вужудга келган кундан эътиборан уч иш куни ичида вакант лавозимни эгаллаш бўйича танлов эълон қилинади.
   

Танлов ўтказиш тўғрисидаги эълон бир вақтнинг ўзида:
давлат органи ёки ташкилотининг расмий веб-сайти ҳамда Агентликнинг махсус информацион порталида;
давлат органи ёки ташкилоти томонидан ижтимоий тармоқларда яратилган саҳифаларда, шунингдек ахборот каналлари ва мессенжерларда (мавжуд бўлса);
давлат органи ёки ташкилоти томонидан белгиланган даврий нашрларда (ихтиёрий) эълон қилинади.
Танловда Миллий кадрлар захирасига киритилган номзодлар иштирок этиш ҳуқуқига эга.
Алоҳида ҳолларда, давлат органи ёки ташкилотнинг рахбари, танлов ўтказмасдан, вакант лавозимни тўлдириши мумкин ва бу ҳақида Агентликни хабардор қилиши шарт.

1. 
   Ишчи орган танлов ўтказилиши тўғрисида эълонни танловда иштирок этиш учун мазкур Намунавий низомнинг 2-иловасига мувофиқ шаклдаги ҳужжатларни қабул қилиш муддати тугашидан камида

   10 календарь кун олдин беради.