Davlat byudjeti” fanidan O’quv uslubiy majmua

3.4. Konsolidatsiyalashgan byudjet tushunchasi, unu tuzishning zarurligi va maqsadi


Bugungi kunda davlat byudjetida Byudjet Kodeksi bilan belgilab berilgan davlat maqsadli jamg’armalari ham konsolidatsiyalashadi va davlat byudjeti bilan birgalikda jamlanma byudjetni (konsolidatsiyalashgan byudjet) tashkil qiladi.
Konsolidatsiyalashgan byudjet O’zbekiston Respublikasi Moliya vazirligi tomonidan moliya yili yakunlari bo’yicha tahliliy maqsadlar uchun hamda byudjet tizimi byudjetlarining (byudjet tashkilotlarining byudjetdan tashqari jamg’armalari bundan mustasno) barcha tushumlari va xarajatlarini hamda O’zbekiston Respublikasi Tiklanish va taraqqiyot jamg’armasi mablag’larini, ular o’rtasidagi transfertlarni hisobga olmagan holda hisobga olib borish uchun tuziladi.
O’zbekiston Respublikasining konsolidatsiyalashgan byudjeti tarkibi rasmda ko’rsatilgan bo’lib, uning tarkibiga quyidagilar kiradi (3.5-rasm):

3.5-rasm. O’zbekiston Respublikasi konsolidatsiyalashgan byudjetining tarkibi¹

• 
  Davlat byudjeti;
  
• 
  davlat maqsadli jamg’armalarining byudjetlari;
  
• 
  O’zbekiston Respublikasi Tiklanish va taraqqiyot jamg’armasi mablag’lari.
  

Iqtisodiyotni modernizatsiyalash sharoitida davlat byudjeti bilan bir qatorda, davlatning byudjetdan tashqari maqsadli jamg’armalarining mamlakatni ijtimoiy-iqtisodiy rivojlantirishdagi ahamiyati yanada ortib bormoqda.
Jadval ma’lumotlaridan ko’rinib turibdiki, jami markazlashgan jamg’armalar tarkibida davlat byudjeti daromadlarining salmog’i o’rtacha 60,5 – 61,0 foizni tashkil etgan. Bu o’z navbatida davlat fiskal siyosatida davlat byudjeti markaziy o’ringa ega ekanini tasdiqlaydi.