Davlat byudjeti” fanidan O’quv uslubiy majmua

16.4. Sog‘liqni saqlash sohasini moliyaviy ta’minotida budjetdan tashqari manbalardan foydalanish amaliyoti


Sog‘liqni saqlash tizimida budjetdan tashqari mablag‘lar hajmini kengaytirish bo‘yicha chora-tadbirlar amalga oshirishni me’yoriy - huquqiy jihatdan tartibga solish maqsadida hukumatimiz tomonidan bir qator qonun va qarorlar ishlab chiqilib hayotga tadbiq etilmoqda. Shu jumladan, O‘zbekiston Respublikasi Vazirlar Mahkamasining 1997-yil 2-dekabrdagi “Davolash-profilaktika muassasalarini mablag‘ bilan ta’minlash tizimini takomillashtirish to‘g‘risida”gi 532-sonli qarori va O‘zbekiston Respublikasi Moliya vazirligi 2008- yil 23-apreldagi “Pullik tibbiy xizmat ko‘rsatishga bosqichma-bosqich o‘tayotgan davolash-profilaktika muassasalarini moliyalashtirish tartibiga o‘zgartirish kiritish to‘g‘risida” 35-son qarorlari pullik tibbiy xizmat ko‘rsatish hajmining kengayishiga turtki bo‘ldi.
O‘zbekiston Respublikasi Prezidentining 2011-yil 28-noyabrdagi “Sog‘liqni saqlash tizimini isloh qilishni yanada chuqurlashtirish chora-tadbirlari to‘g‘risida”gi PQ-1652 sonli qarorining qabul qilinishi bilan O‘zbekiston Respublikasi Prezidentining 2007-yil 19-sentyabrdagi PF-3923-sonli “Sog‘liqni saqlash tizimini isloh qilishni yanada chuqurlashtirish va uni rivojlantirish Davlat dasturini amalga oshirishning asosiy yo‘nalishlari to‘g‘risida” Farmonida berilgan soliq va bojxona imtiyozlari 2018-yilning 1-yanvarigacha uzaytirildi, bojxona imtiyozlari, shuningdek, xo‘jalik yurituvchi sub’ektlar tomonidan olib kelinadigan tibbiyot uskunalariga, butlovchi buyumlarga, tibbiyot uskunalarining ehtiyot qismlari va sarflanadigan materiallariga nisbatan joriy etildi. Sog‘liqni saqlash muassasalarida budjetdan tashqari mablag‘larni ko‘paytirish hukumat tomonidan o‘ziga xos tarzda qo‘llab-quvvatlanmoqda.
16.6-jadval
Tibbiyot muassasalarida budjet va budjetdan tashqari mablag‘lar
o‘rtasidagi o‘zaro nisbat¹
(foizda)