Davlat byudjeti” fanidan O’quv uslubiy majmua

15.2-jadval
Buxoro, Farg‘ona viloyati va Toshkent shahri umumta’lim maktablarida 2008 yil uchun bir o‘quvchiga bazaviy xarajatlar me’yorlari²

№	Ko‘rsatkichlar		shartli belgilar	summasi, so‘mda
				Buxoro viloyati	Farg‘ona viloyati	Toshkent shahri
1.	Umumta’lim maktablari bo‘yicha	1-pog‘ona (1-4-sinflar)	BNZ1	172040	163187	163992
		2-pog‘ona (5-9-sinflar)	BNZ2	206 484	195973	196467
		3-pog‘ona (10-11-sinflar)	BNZ3	218 906	207761	208015
2.	Kuni uzaytirilgan guruhlar bo‘yicha		BNZ4	62302
3.	Uyda ta’lim oluvchilar bo‘yicha		BNZ5	1117782	1117782	1239734
4.	Maktab qoshidagi internatlar bo‘yicha		BNZ6	431433	470307

• 
  O‘zbekiston Respublikasining amaldagi me’yoriy xujjatlariga muvofiq pedagogik xodimlar, ma’muriy, o‘quv-yordamchi va xizmat ko‘rsatuvchi xodimlar mehnatiga haq to‘lash bilan bog‘liq xarajatlar, xodimlarni moddiy rag‘batlantirish Direktor jamg‘armasi, yagona ijtimoiy to‘lov;
  

• 
  umumta’lim muassasalarini saqlash bilan bog‘liq boshqa xarajatlar (kommunal xizmatlarni to‘lash, joriy remont, materiallar solib olish va bshq.).
  

Shuningdek, bazaviy xarajatlar me’yorlariga 2008 yil budjeti parametrlarida ko‘zda tutilgan hajmlarda alohida xarajat turlari bo‘yicha indeksatsiya summalari kiritilgan.
Bir o‘quvchiga bazaviy xarajatlar me’yorlari tarkibiga quyidagi xarajatlar kiritilmagan:

• 
  ko‘mir sotib olish va tashib keltirish;
  
• 
  “Ziyo-net” ta’lim tarmog‘iga ulanish va undan foydalanganlik uchun oylik abonentnik to‘lovi, shuningdek, umumta’lim maktablarini telefonlashtirish;
  
• 
  O‘zbekiston Respublikasi Vazirlar Mahkamasining 2002 yil 25 yanvardagi 33-sonli “Aholining ijtimoiy himoyaga muhtoj qatlamlarini aniq yo‘naltirilgan tarzda qo‘llab-quvvatlashning 2002-2003 yillarga mo‘ljallangan Dasturini amalga oshirish chora-tadbirlari to‘g‘risida"gi Qaroriga muvofiq davriy nashrlarga obuna;
  
• 
  kompyuter sinflarga servis xizmat ko‘rsatish;
  
• 
  o‘quv-laboratoriya sinflari uchun materiallar sotib olish;
  
• 
  barcha turdagi kommunal xizmatlar iste’moli hisoblagichlarini sotib olish va o‘rnatish;
  
• 
  asosiy vositalarni solib olish;
  
• 
  kapital ta’mirlash.
  

Yuqorida sanab o‘tilgan xarajatlar muassasalarga manzilli ro‘yxatlar asosida har bir ta’lim muassasasining ehtiyojiga ko‘ra, xalq ta’limi hududiy organlari va moliya organlari tomonidan tasdiqlanadigan ro‘yxat asosida ajratiladi.
Bundan tashqari, qonun tomonidan alohida iqlim sharoitlari uchun ish haqiga hududiy koeffitsientlar o‘rnatilgan hududlarda joylashgan umumta’lim maktablari smetalarida bazaviy xarajatlar me’yorlari bo‘yicha aniqlangan mablag‘larga qo‘shimcha ravishda bu to‘lovlarni o‘rnatilgan tartibda to‘lash uchun mablag‘lar ko‘zda tutiladi.
Bir o‘quvchiga moliyalashtirish me’yorini hisoblashda viloyatlar bo‘yicha, har bir viloyatda – maktablarning masshtabi (ulardagi o‘quvchilar soniga ko‘ra) va maktabni isitish tizimiga ko‘ra bir-biridan farq qiladigan quyidagi tuzatuvchi koeffitsientlar ishlatiladi:

• 
  maktab masshtabi koeffitsienti;
  
• 
  markaziy yoki gazli isitish tizimiga ega maktablar uchun koeffitsient.
  

2008 yil uchun bir o‘quvchiga moliyalashtirish me’yorini hisoblashda qo‘llanilgan tuzatuvchi koeffitsientlar quyidagi jadvalda aks ettirilgan (15.3-jadval):