Darsning texnologik xaritasi mavzu

UNDALMALI GAPLARDA TINISH BELGILARI

Darsning maqsadi:

Ta'limiy maqsad - undalmalarda tinish belgilarining ishlatilishi haqida ma'lumot berish;

Tarbiyaviy maqsad - qanoatlilik va rostgo'ylik fazilatlari ruhida tarbiyalash;

Rivojlantiruvchi maqsad - o'quvchilarning yozma savodxonligini oshirish.

Dars turi: yangi bilim beruvchi

Dars usuli: savol - javob

Darsning rejasi:

1. 
   Undalmalarning gapdagi o'rni.
   
2. 
   Undalmali gaplarda tinish belgilari.
   

Darsning jihozi: mavzu bo'yicha ramziy chizmalar.

Darsning borishi:

1.Tashkiliy qism:

a)salomlashish

b)davomatni aniqlash

d) she’riy daqiqalar

2. Uy vazifasini so’rash va baholash.

3.Mustahkamlash.

4.Yangi mavzu:

Undalmali gaplarda tinish belgisining ishlatilishi ikki narsaga bog'liq:

undalmaning gapdagi o'rniga va unda

his-hayajonning ishtirokiga.

Undalma gapning boshida kelsa, undan keyin, gapning o'rtasida kelsa, har ikki tomonidan, gapning oxirida kelsa, undan oldin vergul qo'yiladi. Bu quyidagi misollar bilan tushuntiriladi:

Navbahorim, о'zing ayt...

О'zing, navbahorim, ayt...

О'zing ayt, navbahorim ...

Undalma his-hayajon bilan aytilsa, undan keyin undov belgisining qo'yilishiga darslikda misollar ko'rsatilgan. Shuningdek, ba'zan un­dalmadan oldin undov so'zlardan biri bo'lishi mumkinligini ham aytib o'tish kerak. Masalan: Eh do'stim, seni ko'p izladim.

Mavzular undalmani tahlil qilish, oldin o'tilgan mavzularni takror-lashga mo'ljallangan.

1 76-mashqdagi gaplarda qo'llangan undalmaning gap boshida, gap o'rtasida, shuningdek, undov so'zlar bilan kelgan shakllari berilgan bo'lib, ularda qo'yilgan tinish belgilari, bu gaplarning ifoda maqsadiga ko'ra turlari tahlil qilinadi. Matn oxirida qissadan hissa sifatida berilgan baytdagi «ko'zing och» birikmasining shakldoshlik munosabatining o'quvchilar tomonidan izohlanishi talab qilinadi. Bundan tashqari
«Ochko'zning ko'zi to'ymas» mavzusida ma'rifiy-didaktik suhbat o'tkazish mumkin.

Mavzu bo'yicha og'zaki gaplar tuzdirish kerak. Bunda bolalarning mavzuni qay darajada tushunganligi namoyon bo'ladi. Bu mavzuni unchalik to'liq anglamagan o'quvchilar uchun mustahkamlash mashqi bo'ladi.