Дарснинг технологик харитаси

O‘quvchilar bilan ma’naviy daqiqalarda A.Navoiy va Z.M.Bobur bobolarimizning boy adabiy merosi, jumladan ilm haqidagi hikmatli so’zlari tinglanadi va tahlil qilinadi.

1-guruh: Har kimki vafo qilsa, vafo topg`usidir,

Har kimki jafo qilsa, jafo topg`usidir.

Yaxshi kishi ko`rmagay, yomonlik hargiz,

Har kimki yomon bo`lsa jazo topg`usidir,

2-guruh: G`urbatda g`arib-u, shodumon bo`lmas emish,

El anga shafiq-u, mehribon bo`lmas emish.

Oltin qafas ichra gar qizil gul bitsa,

Bulbulga tikondek oshiyon bo`lmas emish.

3-guruh Yod etmas emish kishini mеhnatda kishi,
Shod etmas emish ko‘ngulni g‘urbatda kishi.
Ko‘nglum bu g‘ariblikda shod o‘lmadi oh,
G‘urbatda sevinmas emish albatta kishi.

O’quvchilardan buyuk allomalarimiz A.Navoiy va Z.Muhammad Bobur asarlari haqida so‘raladi. So‘ngra diqqat mashqi o’tkaziladi So‘ngra ekranda A.Navoiyning “ O‘n sakkiz ming olam oshubi… ” g‘azali qo‘yib eshittiriladi va g‘azalni diqqat bilan tinglashlari so‘raladi.

O‘n sakiz ming olam oshubi…

O‘n sakiz ming olam oshubi agar boshindadur,

Ne ajab chun sarvinozim o‘n sakiz yoshindadur.

Desa bo‘lg‘aykim, yana ham o‘n sakiz yil husni bor,

O‘n sakiz yoshinda buncha fitnakim boshindadur.

O‘n sakiz yil dema, yuz sakson yil o‘lsa uldurur

– Husn shohi, ul balolarkim ko‘z-u qoshindadur.

Hayrat etmon husni naqshidaki, har hayratki bor,

Barchasi ezid taolo sun naqqoshindadur.

Tan anga siym-u, ichinda tosh muzmar ko‘nglidin,

Aqlg‘a yuz hayrat, ul oyning ich-u toshindadur.

May ketur, ey mug‘ki yuz hayrat aro qolmish Masih,

Bul ajablarkim, bu eski dayr xuffoshindadur.

To Navoiy to‘kti ul oy furqatidin bahri ashk,

Har qachon boqsang, quyosh aksi aning yoshindadur.

Quyidagi savol o‘rtaga tashlanadi: Ushbu g‘azalda 18 so‘zi necha marta takrorlangan. To‘g‘ri javob aytgan guruhga rag‘bat kartochkasi beriladi.