Darsliklar asosida davlat va huquq

242-modda. O‘n sakkiz yoshga to‘lmagan shaxslar uchun qisqartirilgan ish vaqtining muddati
Ish vaqtining muddati o‘n oltidan o‘n sakkiz yoshgacha bo‘lgan xodimlarga haftasiga o‘ttiz olti soatdan, o‘n beshdan o‘n olti yoshgacha bo‘lgan shaxslar uchun esa haftasiga yigirma to‘rt soatdan oshmaydigan qilib belgilanadi.
O‘qishdan bo‘sh vaqtlarida ishlayotgan o‘quvchilarning o‘quv yili davomidagi ish vaqti muddati ushbu moddaning birinchi qismida tegishli yoshdagi shaxslar uchun nazarda tutilgan ish vaqti eng ko‘p muddatining yarmidan ortib ketishi mumkin emas.
243-modda. O‘n sakkiz yoshga to‘lmagan xodimlarning kundalik ish vaqti qisqartirilgan hollardagi mehnatiga haq to‘lash
O‘n sakkiz yoshga to‘lmagan xodimlarning kundalik ish vaqti qisqartirilgan hollardagi mehnatiga haq kundalik ish vaqti to‘liq bo‘lgan chog‘da tegishli toifadagi xodimlarga beriladigan miqdorda to‘lanadi.
Korxonalarda o‘qishdan bo‘sh vaqtida ishlayotgan o‘quvchilarning mehnatiga ishlagan vaqtiga mutanosib ravishda yoki ishlab chiqargan mahsulotiga qarab haq to‘lanadi.
10-vaziyat.
13 yoshli G‘anijonga buvasidan avtomashina meros bo‘lib o‘tdi. G‘anijon o‘gay ota-onasi bilan birga yashaydi. G‘anijonning otasi mashinani sotib, shartnomani rasmiylashtirish maqsadida hujjatlarni tasdiqlash uchun davlat idorasi (notarius)ga murojaat qildi. Ammo notarius shartnomani rasmiylashtirishdan bosh tortdi.1. Agar G‘anijonning o‘gay otasi sudga shikoyat qilsa, sud qanday qaror chiqarishi mumkin deb o‘ylaysiz?
2. Sizning fikringizcha, G‘anijonning o‘gay otasi unga meros qolgan avtomashinani sotish huquqiga egami?Yo‘q.Chunki ota mashinani sotish uchun G‘anijon hamda vasiylik va homiylik organining roziliklari bilan sotishi mumkin. Aks holda sota olmaydi.
11-vaziyat.
Kasb-hunar kollejining o‘quvchisi Dilshodbek 80000 so‘mlik DVD playerni kreditga oldi. Dilshodbek 16 yoshda bo‘lib, har oyda kollejning maxsus stipendiyasini olar edi. Uning otasi Olim akaga o‘g‘lining xaridi ma’qul kelmadi. U o‘glining DVD pleyerga qiziqib, o‘qishga e’tibori kamayib ketishidan xavotirda edi. Shu sababli, Olim aka, o‘g‘li bu shartnomani tuzganidan bexabar ekanligini nazarda tutib, uni haqiqiy emas deb tan olinishini so‘rab sudga murojaat qildi. Sizningcha, Olim akaning shikoyati yuzasidan sud qanday qarorga kelishi mumkin? Bunda O‘zbekiston Respublikasi Fuqarolik to‘g‘risidagi Kodeksning quyidagi moddalari asos bo‘ladi.