Дарслик./Абулқосимов Ҳ. П., Абулқосимов М.Ҳ., Топилдиев С. Р. –Т

Ташқи савдo айланмаси– мамлакат, мамлакатлар гуруҳи ташқи савдо 
фаолияти ҳажмининг пул кўринишидаги ифодаси бўлиб, муайян вақт 
оралиғидаги (масалан, йил давомидаги) экспорт ва импорт ҳажмининг 
йиғиндисига тенг бўлади. 
Ташқи савдo айланмаси сальдоси – мамлакат экспорти ва импорти 
ҳажмлари ўртасидаги фарқ, тафовут. 
Ягона солиқ тўлови – кичик бизнес субъектларини қўллаб-қувватлаш 
мақсадида турли солик ва йиғимлар ўрнига соддалаштирилган тартибда 
тўланувчи ягона солиқ тури. 

---

405 
Технопарк – ўз ҳудудида кичик инновацион корхоналарни яратиш ва 
ривожлантириш орқали илмий салоҳиятдан фойдаланиш ва ишлаб чиқилган 
технологияларни тижоратлаштириш мақсадида ташкил этилувчи тузилма. 
Эркин индустриал-иқтисодий зона – мамлакат ҳудудининг хорижий 
мамлакатлар томонидан турли шакллардаги ҳамкорликдаги тадбиркорлик 
билан шуғулланишлари учун рухсат этилган қисми. Мазкур зоналарда 
махсус имтиёзли шарт-шароитлар, жумладан, имтиёзли солиқлар, божхона 
тўловлари, ижара, виза олиш, валюта айирбошлаш, меҳнатга ёллашнинг 
қулай тартиблари белгиланган бўлади. 
Навоий эркин индустриал-иқтисодий зонаси – жаҳон стандартларига 
жавоб берадиган ва жаҳон бозорларида талаб қилинадиган маҳсулот ишлаб 
чиқаришни таъминлайдиган, замонавий юқори технологияга асосланган 
ишлаб чиқаришни ташкил этиш учун хорижий инвестицияларни, биринчи 
галда тўғридан-тўғри инвестицияларни жалб этиш бўйича қулай шарт-
шароитлар яратиш, шунингдек Навоий вилоятининг саноат салоҳиятини, 
ишлаб чиқариш, транспорт-транзит ва ижтимоий инфратузилмасини 
ривожлантириш мақсадида Ўзбекистон Республикаси Президентининг 2008 
йил 3 декабрдаги «Навоий вилоятида эркин индустриал-иқтисодий зона 
ташкил этиш тўғрисида»ги қарори асосида ташкил этилган. Навоий эркин 
индустриал-иқтисодий зона ҳудудида хўжалик юритувчи субъектлар 
фаолиятининг асосий йўналиши – замонавий хорижий юқори унумли асбоб-
ускуналар ва техника, технологик линиялар ва модуллар, инновация 
технологияларини жорий этиш ҳисобига юқори технологияли, жаҳон 
бозорларида рақобатбардош маҳсулотларни кенг кўламда ишлаб чиқаришдан 
иборат. 
Фермер хўжалиги – ижарага берилган ер участкаларидан фойдаланган 
ҳолда, қишлоқ хўжалиги товар ишлаб чиқариши билан шуғулланувчи, 
мустақил хўжалик юритувчи субъект.