Дарслик./Абулқосимов Ҳ. П., Абулқосимов М.Ҳ., Топилдиев С. Р. –Т

Банк ликвидлилиги – банклар мажбуриятларини ўз вақтида қайтара 
олиш қобилияти ёки пассивлардаги мажбуриятларни қайтариш учун 
активларни пулга айланиш қобилиятидир.
Пул массаси – ҳар қандай мамлакат иқтисодиётида товарлар ва 
хизматлар айланишини таъминлайдиган, хусусий шахслар, институционал 
мулкдорлар (корхоналар, бирлашмалар, ташкилотлар ва б.) ва давлат эгалик 
қиладиан нақд ва нақд пулсиз харид ҳамда тўлов воситалари мажмуидир. 
Корпоратив облигациялар – корпоратив ташкилий тузилмалар 
(юридик шахслар) томонидан ўзининг фаолиятини молиялаштириш учун 
муомалага чиқарилган қарз инструментлари. 
Валюта бозори – хорижий валюталар ёки хорижий валютадаги тўлов 
ҳужжатлари бўйича операцияларни амалга ошириш билан боғлиқ иқтисодий 
муносабатларнинг алоҳида соҳаси.
Мамлакат иқтисодиётининг рақобатбардошлилиги – мамлакатнинг 
ўрта ва узоқ муддатга иқтисодий ўсишнинг юқори суръатларини таъминлаб 
туриш қобилияти. 
Миллий иқтисодиётнинг рақобатбардошлилиги – иқтисодиётнинг 
тўловга қодир талабга мос келувчи, иқтисодий ўсиш ва турмуш сифатини 
оширишни таъминлайдиган товар ва хизматлар ишлаб чиқариш ва ички 
ҳамда ташқи бозорларда сотиш қобилияти. 
Иқтисодиётнинг таркибий тузилиши – иқтисодиётнинг турли қисм 
ва бўлаклари ўртасидаги пропорциялар ва ўзаро нисбатлар. 
Таркибий ўзгаришлар сиёсати – давлат томонидан амалга 
ошириладиган, иқтисодиётнинг таркибий тузилишини такомиллаштириш, 
унинг самарадорлигини оширишга қаратилган чора-тадбирлар мажмуи. 
Кооперация алоқалари – маҳсулот ишлаб чиқариш бўйича бир ёки бир 
неча корхонанинг ҳамкорлиги. 
Маҳаллийлаштириш – импорт қилинадиган тайёр маҳсулот, бутловчи 
буюмлар ва материалларни мамлакатда ишлаб чиқаришни йўлга қўйиш 
орқали унга бўлган ички талабни қондириш ва экспортини йўлга қўйиш.