Дарслик./Абулқосимов Ҳ. П., Абулқосимов М.Ҳ., Топилдиев С. Р. –Т

Жаҳон бозори конъюнктураси – жаҳон товар бозорларидаги сотиш 
шарти, ушбу бозорлардаги талаб, таклиф, нархлар даражаси, уларнинг 
ўзгариш тенденциялари. 
Жорий конъюнктура – муайян даврда товарларга бўлган талаб ва 
таклифнинг таркиби, динамикасини шакллантирувчи иқтисодий шароит ва 
омиллар мажмуи. Жорий конъюнктура айни даврдаги миллий ва жаҳон 
иқтисодиётининг у ёки бу омилларидан таркиб топган вақтинчалик вазиятни 
ифодалайди. 
Ижтимоий соҳа обектлари– аҳолининг муносиб турмуш шароити ва 
фаровонлигини таъминлашга хизмат қилувчи соҳа ва тармоқлар мажмуи. 
Булар қаторига уй-жой фондлари, соғлиқни сақлаш, маориф, спорт, маданият 
муассасалари ва бошқаларни киритиш мумкин. 
Ижтимоий ҳамкорлик – хилма-хил фикр ва қарашларга эга бўлган, 
турли миллат, ирқ ва динга мансуб шахс ва гуруҳларнинг умумий мақсад 
йўлидаги ҳамжихатлиги. 
Иқтисодий ўсиш – реал ялпи ички маҳсулот умумий ҳажмининг ёки 
аҳоли жон бошига тўғри келадиган реал ялпи ички маҳсулотнинг олдинги 
йилга нисбатан ўсиши. 
Импорт – мамлакат ички бозорларида сотиш учун чет эл молларини, 
капиталини, технологиясини ва хизматларни олиб келиш. Импорт халқаро 
меҳнат тақсимоти натижасидир. У вақтни тежашга, иқтисодиёт, аҳоли 
эҳтиёжини қондириш вазифаларини муваффақият билан ҳал қилишга 
кўмаклашади. 
Инвестицион солиқ кредити – солиқ мажбурияти бўйича тўлаш 
муддатини ўзгартириш имконияти берилади, агарда солиқ тўловчида 
белгиланган тартибдаги асос бўлса, у ҳолда солиқ тўловларини 
камайтирилган ҳолда маълум бир вақт ичида босқичма – босқич тўлаш 
мумкин бўлади. 
Инсон омили – амалга оширилаётган барча ислоҳотларнинг бош 
йўналиши ва самарадорлигининг пировард натижасини белгилаб берувчи 
асосий тамойил. Инсон омили таркибан икки муҳим жихатни ўз ичига олади. 
Биринчи жихат Ўзбекистонда жами ижтимоий тузилма, таълим ва соғлиқни 
сақлаш, нафақа билан таъминлаш тизимини, аҳолини экологик ва бошқа 
хавф-хатардан ҳимоя қилишдан иборат. Давлатнинг доимий эътиборини 
ўзида ифодалайди. Иккинчи жихат эса ялпи ижтимоий тараққиёт 

---

410 
жараёнларида шахснинг ўз иштироки, бунёдкорлиги, яратиш завқи, саъй-
ҳаракатлари ва шижоатини ифодаланишини назарда тутади.