Дарслик./Абулқосимов Ҳ. П., Абулқосимов М.Ҳ., Топилдиев С. Р. –Т

Қонун – олий юридик кучга эга бўлган, давлатнинг қонун чиқарувчи 
муассасаси томонидан ёки аҳоли томонидан тўғридан-тўғри, референдум 
ўтказиш талабларига мувофиқ қабул қилинган ва ўзида қонуннинг амал 
қилиш ҳудуди, муддати ва шахслар доирасида ҳуқуқий муносабатлар 
субъектлари фаолиятининг умумий намунасини мужассамлаштирган 
меъёрий–ҳуқуқий ҳужжат. 
Қонун устуворлиги – ушбу тамойилнинг мазмуни шуни англатадики, 
қонун ижтимоий ҳаётнинг барча соҳаларида қатъий ҳукмрон бўлади. Яъни 
ҳеч ким, ҳеч бир давлат органи, мансабдор шахс, тадбиркор ёки бошқа бир 
фуқаро қонунга бўйсунмаслиги мумкин эмас, ижтимоий, иқтисодий ва 
сиёсий муносабатлар фақат қонун билан тартибга солинади; унинг барча 
иштирокчилари эса, ҳеч бир истисносиз, ҳуқуқ нормаларини бузганлиги учун 

---

411 
жавобгарликка тортилиши керак. Ҳуқуқий нормаларни татбиқ этишда 
конституция ва қонунларнинг нормалари бошқа ҳуқуқий нормалардан устун 
туради. 
Кредит – жисмоний ва юридик шахсларнинг вақтинчалик бўш 
маблағларларини муайян тамойиллар асосида қайтариш шарти билан 
фойдаланишга бериш жараёнида вужудга келган иқтисодий муносабатлар 
мажмуи.
Кутилаётган инфляция даражаси – мавжуд ижтимоий-иқтисодий 
ахборотлар, маълумотлар асосида алоҳида шахс ва корхоналар томонидан 
кутиладиган бўлғуси даврдаги инфляция даражаси. 
Кучли давлат – омма фаолиятига асосланган кучли бошқарув тизимига, 
ривожланган иқтисодиёт, юксак маънавиятга эга бўлган давлат. Бундай 
давлат мустаҳкам иқтисодий, ҳуқуқий ва маънавий асосга эга бўлади. Унинг 
қудрати фуқаролар ҳамжихатлиги, жамиятдаги дўстлик ва бағрикенглик, ҳар 
бир фуқаронинг онглилик даражаси, давлат бошқарувидаги фаол иштирокига 
асосланади. 
Кучли давлатдан кучли жамият сари – мустаҳкам иқтисодий асосга 
эга бўлган, демократик қадриятлар қарор топган, маънавий–маърифий 
юксакликка эришган ва бошқарувнинг демократик услублари шаклланган 
давлатдан жамоат ва нодавлат ташкилотлари ҳал қилувчи ўрин тутадиган 
жамоатчилик фикри, ташаббуси ва давлат идоралари устидан назорати 
устувор аҳамият касб этадиган, фуқаролар ўзини-ўзи бошқариш 
идораларининг роли муттасил ортиб борадиган жамиятга ўтиш концепцияси.