Дарслар таҳлили таълим сифатини ошириш омили

Талабаларнинг дарсдаги тартиб-интизоми ва ўқув фаолияти таҳлили
Ўқув аудиториясининг умумий тайёргарлиги, талабаларнинг диққати ва фаоллиги, фанга бўлган қизиқишлари, талабаларнинг дарс босқичларидаги компетенликлари эътиборга олинади.
ТАҲЛИЛЛАР
Ўқитувчининг ўз фанини илмий асосда чуқур билиши, мавзуга доир долзарб масалаларни келтирилиши, дарсга илмий жиҳатдан тайёргарлиги, мавзуга оид янги илмий-назарий ахборотлар билан қуролланиб келганлиги, дарс жараёнида илмий қоида ва таърифларнинг тўғри баён этилиши ҳамда илмий атамаларнинг талабаларга сингдирилиб борилиши, дарсда таълимнинг ўзига хос хусусиятларининг ҳисобга олиниши, дарслик материалларининг қўшимча адабиёт материаллари билан бойитилиши, талаба бажараётган лаборатория, амалий ҳамда мустақил ишларнинг илмий йўналиш бўйича мақсадга мувофиқлиги, талабалар хулосаларининг илмий жиҳатидан тўғри, қисқа ва мукаммал баён этилиши ҳамда уни ўқитувчи томонидан назорат қилиниши, дарс давомида, янги мавзуни баён этиш жараёнида таълим-тарбия билан боғланиши, ўқитувчи ва талабаларнинг илмий сўзлашувдаги нутқ маданиятига эътибор берилиши зарур.
ИЛМИЙ ТАҲЛИЛ
МЕТОДИК ТАҲЛИЛ
Ўқувчиларнинг мавзу материалларини қанчалик даражада ўзлаштириб олишлари ўқитувчи қўллаган методларга бевосита боғлиқдир. Маълумки, олий таълим муассасаларида дарслар маъруза, амалий машғулот лаборатория ишлари, семинар машғулотлари шаклларида олиб борилади. Методик таҳлилда ўқитувчиларнинг сўзлаш, маданияти, кўргазмали куроллардан фойдаланиш, дарслик, диаграмма ёки жадваллар, лаборатория асбоб-ускуналари билан ишлаш, АКТ дан фойдаланиш усуллари, аудитория ёки электрон доскалариданўринли ва самарали фойдалана олишдаги касбий креативлиги, интеллектуал қобилиятлари ҳисобга олинади. Ўқитувчиларнинг дарс жараёнида қўллаган усулларининг мақсадга мувофиқ эканлиги таълим турига ва ўзига хос хусусиятларига қараб белгиланади. Ўқув материалларини талабаларга баён қилиш ва тушунтириш жараёнида қўлланилган усулларнинг шу материалга мослиги ёки мос эмаслиги методик таҳлил давомида аниқланади.
Бу ўринда шуни алоҳида таъкидлаш жоизки, ўқитувчи дарсда қўллаган усулларнинг самарадорлиги, ранг-баранглиги, намунавийлиги, унинг ўтган янги мавзу материалини талабаларнинг қандай даражада ўзлаштириб олганликлари билан баҳоланади. Шу боис, дарс таҳлилининг бу турига алоҳида эътибор билан қараш муҳим аҳамиятга эга.
Таълим самарадорлигини қонунлар ва қоидаларнинг дарсда қанчалик тўғри ҳамда мукаммал бажарилганлиги ўрганилади