Dangasa qirollar

SEX MAKTABLARI – G’arbiy Yevropa shaharlarida hunarmandlar o’g’illari uchun ochilgan boshlang’ich umumta’lim maktablari. XIII-XIV asrlarda sexlar tomonidan ochilgan va ular tomonidan moliyaviy jihatdan ta’minlangan. Cherkov maktablaridagi ta’lim sifatidan qoniqmaslik natijasida yuzaga kelgan. Sex maktablarida asosiy etibor o’qish,yozish va hisobni,shuningdek, geometriya va tabiatshunoslikni o’rgatishga qaratilgan. Ta’lim ona tilida olib borilgan. XV asrda gildiya maktablari bilan qo’shilib ketgan va shahar maktablariga aylangan.

SEXLAR(nem. Zeche – bir tabaqadagi kishilar uyushmasi) – o’rta asrlarda shahar hunarmandlarining feodallar tajovuzidan himoyalanish va hunarmandchilik buyumlari ishlab chiqarishga hamda sotishga Sex a’zolari monopoliyasini o’rnatish maqsadida tuzilgan uyushmalari(bir xil yoki bir biriga ixtisosliklar bo’yicha). Sex Italiyada IX-X asrlarda, Fransiyada XI asrda, Germaniya va Angliyada XII-XIII asrlarda paydo bo’lgan.Eng taraqqiy etgan davri XIII – XIV asrlarga to’g’ri keladi.

SHAHANSHOH (fors.ayni manosi shoxlar shoxi) – sosoniylar davridan boshlab, Eron hukmdorlari unvoni. Ahamoniylar davridagi xshayatiya xshayati-yanam shoxlar shoxi unvonidan olinganligi taxmin etiladi.

SHERIF (ingl. sheriff) – Franklar davlatida graf qanday funksiyalarni (harbiy, sud, ma’muriy-politsiyachilik) ado etgan bo’lsa, Angliyada shunday funksiyalarni ado etuvchi mansab.Sherif grafliklarning boshida turgan.

SHEVALYE (frans. chevalier – otliq, ritsar) – Fransiyada feodalizm davrida kichik dvoryanlik unvoni.O’rta asrlarda Fransiyada ritsarlarni shunday atashgan. Keyinchalik oliy tabaqaga mansublikni anglatish uchun dvoryan oilalarining kichik o’g’illari shunday nomlangan.

SHTEDINGLAR (nem.Stedinger – qirg’oqda yashovchi) – erkin friz va saks dehqonlari XII-XIII asr boshlarida nemis feodallarining bo’ysundirish harakatlariga qarshi kurashishgan. 1230-yili Shtedinglar Yeretiklar deb e’lon qilingan va ularga qarshi salib yurishi tashkil etilgan (1232-1234). 1234-yili Altenesh yaqinida knyazlarning birlashgan qo’shini tomonidan tor-mor etilgan. Shundan so’ng Shtedinglarning bir qismi jismonan yo’q qilingan,qolgan qismi qaram dehqonlarga aylantirilgan.