Дала экинларининг асосий зараркунандалари

Кураш чоралари. Гессен пашшасига қарши курашнинг энг муҳим тадбирларидан бири, баҳори ва кузги ғалла экинлари анғизини ўз вақтида 10—15 см чуқурликда ҳайдаш йўли билан йўқотиб туришдир, анғиз мана шу чуқурликда ҳайдалганда пашшанинг сохта пилласи батамом қирилади (баъзи адабиётлар маълумотларига қараганда, 8 см чуқурликкача тушган кўпгина пилладан пашша ер бетига ўрмалаб чиқади).
Гессен пашшаси фақат буғдой, арпа ва жавдарда яшай олганидан, тўғри алмашлаб экиш усулини амалга ошириш ҳам жуда муҳимдир.
Гессен пашшаси кўп пайдо бўлиб турадиган жойларда кузги ғаллани жуда барвақт экиш маъқул кўрилмайди; аммо бу кураш тадбири ҳосилга таъсир этмаслиги керак Тўқай қўнғизи бор бўлган ҳамда суғориладиган ерларда ғаллани жуда кечикиб экишга йўл қўйилмаслиги керак.
Пояси тукли ва дағал буғдой навлари бошқа навларга қараганда кучлироқ шикастланади.
Гессен пашшаси кўплаб пайдо бўлиб турадиган жойларда баҳори ғаллани мумкин қадар кузги ғалладан узоққа экиш зарур.
Ўсимликни тезроқ ривожлантирадиган барча умумий агротехника тадбирлари (ўғитлаш, ерни яхшилаб ишлаш ва ҳоказолар), экиннинг гессен пашшасидан нобуд бўлишини камайтиради, ўсимликнинг шикастланишга қарши чидамлилигини оширади.
Украина ғаллакорлик институти тажрибаларига қараганда, гecceн пашшасига қарши кимёвий усулни ҳам қўлланиш мумкин: бу пашша тушган экиннинг ҳар гектарига 0,5—1 л анабазин-сульфат ва 20 кг ҳисобидан сўндирилган оҳак олиб чанглаш ёки бир гектар ерга 400 л сув олиб, бунга 0,5 л анабазин-сульфат ва 1,0—1,5 кг совун аралаштириб пуркаш ёки 400 л сувга 3 кг натрий кремнефторид ва 1—1,5 кг совун аралаштириб пуркаш ёки гектарига 1 л антрацен мойи ва 20 кг сўндирилган оҳак олиб чанглаш керак. Антрацен мойи ўрнига хом антрацен (20 кг оҳак ва 2 кг антрацен) олиш ҳам мумкин.
Мана бу препаратлар икки марта: пашшанинг 30-40 % пилладан чиққанда ва бундан 4-7 кун ўтгач ишлатилади (Клоков). Зараркунанда тухумдан чиқиб, барг устига ўрмалашга киришган ёш личинкалик стадияси кўплаб қирилади.
Сўнги вақтларда бир қанча муассасаларда ўтказилган тажрибаларга мувофиқ гессен пашшасига қарши экинлар ёшлик вақтида ҳар гектарига 20-25 кг ҳисобидан ДДТ ёки 15 кг дан гексахлоран чангланганда ҳам яхши натижа беради.