Д. Т. Абдукаримов

Танлаш усуллари. 
Беда селекциясида оммавий танлаш асосий усуллардан 
бўлиб, бу усулни қўллаш натижасида кўплаб яхши, юқори ҳосилли навлар 
яратилган.
Танлаш селекция жараѐнида бошланғич материални турли усуллар билан 
яратилиши натижасида ҳосил бўлган коллекцияни урганилиши вақтида янги 
навни шаклланиши ва яхшиланишида, ҳамда унинг уруғчилигида ўтказилади.
Селекциянинг вазифалари ва бошланғич материал популяциялари 
таркибига қараб ҳар хил танлаш усуллари қўлланилади: экотипик танлаш 
оммавий негатив танлаш, оммавий позитив танлаш, гуруҳли биотипик танлаш, 
якка – оилавий танлаш.
Экотипик танлаш
. Муайян экологик шароитларда табиий танланиш 
таъсири остида шаклланган ѐввойи ўсимликлар ва маҳаллий нав – 
популяциялар танлаб олинади. Бу популяциялар алоҳида биотип ѐки биотиплар 
гуруҳига ажратилмайди. Бу ҳолда дастлаб популяция асосан қимматли 
биотиплардан иборат бўлиши керак. 

---

113 
Экотипик танлаш кўп йиллик ўтларнинг селекциясининг дастлаб 
босқичларида маҳаллий популяцияларини урганиш ва кўпайтиришда асосий 
усул бўлиб қўлланилган.
Энг юқори ҳосилли ва шароитга мослашган популяцияларга уларнинг 
шаклланган жойига қараб номи берилган. Бу усулда беданинг қуйидаги 
танилган маҳаллий навлари ажратилиб шаклланган. 
Хивинская местная (Ўзбекистон), Славянская местная (Краснодар улкаси), 
Семиреченская местная (Қозоғистон) ва бошқалар. Дастлаб йилларда фақат 
маҳаллий навлар районлаштирилиб экилган, селекциянинг ривожланиши билан 
улар селекцион навлари билан алмаштирилган, шунга қарамай халигача 
маҳаллий навларнинг урни катта.
Бундай “тайѐр” популяциялар бошланғич материал сифатида селекция 
ишини давом эттириш ѐки табиий яйлов ва ўтлоқларни яхшилашда 
фойланилади. Популяцияларни баҳолаш одатдаги экин усулида ѐки нав 
синашда ўтказилади.