Д. Т. Абдукаримов

6.Касаллик ва зараркунандаларга чидамлилигига қараб селекция 
ишларини ўтказиш. 
Кунгабоқар ўсимлигини маданийлаштиришдан бошлаб 
экиб келиши доим касаллик ва зараркунандаларга чидамли навлар яратиш 
билан боғланиб келган. Дастлаб босқичларда Америкадан кунгабоқар билан 
олиб келинган занг касаллиги кўп муаммоларга дуч қилган. Занг касаллигига 
кам чалинадиган “Зеленки” каби маҳаллий навлар халқ селекцияси натижасида 
яратилган.
Занг касалигидан сўнг кунгабоқар уруғи (пистасини) шикастлайдиган 
кунгабоқар митаси (моль) катта хавф келтира бошлайди. Бу хавфни енгиш учун 
панцирли навлар яратилади. Ундан кейин гулли паразит – шумғуя (заразиха), 
шувах ўсимлигидан кунгабоқарга ўтади. Аввал “А” ирқи, кейин “Б” ва ундан 
кейинги йилларда агрессивлироқ ирқлари катта зиѐн етказди. Шунинг учун 
шумғуяга қарши курашиш чоралари доим ўтказилмоқда. Охирги йилларда ун 
шудринг, кул касали (пенел), оқ ва бўз чириш касалликлари кунгабоқарга катта 
зарар келтирмоқда. 
Кунгабоқар ўсимлигида замбруғларнинг 65 тури, 10 та бактерия, иккита 
вирус ва тўртта гулли паразит бор деб ҳисобланади. 
Касалликлар таъсири остида ҳам ҳосилдорлиги камаяди ҳам ҳосилининг, 
уруғининг унувчанлиги, массаси ва мойлилиги пасаяди, мойининг кислота 
рақами эса кескин кўтарилиб, унинг озиқалилиги ѐмонлашади. Шунинг учун 
селекциянинг асосий вазифаларидан бири бўлиб кунгабоқар экини 
зараркунандаларига чидамли навлар яратиш ҳисобланади. 
Ҳашаки навларнинг селекцияси. 
Ҳашаки кунгабоқар сифатида асосан 
мойли кунгабоқарнинг Передовик улучшенный, ВНИИМК – 1646 улучшенный, 
ВНИИМК 6540 улучшенный, Маяк каби навларидан фойдаланилади.

---

88 
Ҳашаки кунгабоқар навларини яратиш сохасидаги селекция ишлари 
ўтказиш натижасида бир неча юқори ҳосилли нав ва дурагайлари ҳосил 
қилинган. Ҳашаки кунгабоқарнинг қуйидаги районлаштирилган навлари 
экилмоқда: Белозерный гигант, Гигант 549, Красноярский силосный, Степной 
силосный, Чкаловский гигант ва ВСГИ Печенег. Бу навлар мойли кунгабоқар 
экинига нисбатан 10 – 20 т/га зиѐдроқ кўк масса туплайди (60 – 70 т/га). 
Ҳашаки кунгабоқар селекциясининг асосий йўналишлари: – касалликларга ва 
шумғуяга чидамли, шохланадиган, кўп саватчалар ҳосил қиладиган, ўсимлик 
танаси тез қотмайдиган ва умумий массасида унинг қотган дағал қисмининг 
миқдори кам бўлган навларини яратишдир.