Д. Раҳматуллаева, У. Ходжаева, Ф. Атаханова

Моданинг сўнгги кашфиётлари.
ХХ аср охири модаси деярли ҳар 
йили бир қанча янги номларни кашф этади. Агар илгари мода оламида обрў 
топиш учун дизайнерга кўп йиллар талаб этилган бўлса, энди номи чиқиши 
учун 
кўпинча 
диплом 
кўргазмасининг 
ўзиёқ 
етарли 
бўлмоқда. 
Модельерларнинг байналмилал командасида Лондондаги Saint Martin’s, 
Нью-Йоркдаги Cанъат ва дизайн олий мактаби, Париждаги Берсо студияси,
Антверпендаги Қироллик санъат академияси мактабига ўхшаган билим 
масканлари битирувчилари етакчилик қилмоқдалар. 
ХХ аср 60-йилларида мода пойтахти деб шуҳрат қозонган, барча 
қоидалар йўққа чиқарадиган, энг нооддий ва “қувноқ” либослар 
яратиладиган Лондон 90-йиллар охирига келиб қитъага ёш дизайнерлар 
етказиб бериладиган асосий масканга айланди. Гальяно ва Мак-Куин билан 
бир қаторда Европага Стелла Маккартни кўчиб ўтди ва 2001 йилгача Хлоэ 
Уйининг дизайнери бўлди. 

---

168 
“Lagerfeld” ва “Chanel” русумларидаги жамламалар устида биргаликда 
ишлаш учун Карл Лагерфельд Парижга Жулиан Мак-Доналдни (янги 
жимжимадор тўқиш услубини ихтиро қилган) таклиф этди. 2001 йилда Мак-
Доналд Живанши Уйининг янги дизайнери бўлди. Сьюзан Клементс ва 
Игнасио Рибейро ўз жамламалари билан бир қаторда эндиликда “Кашарель” 
Уйи учун модалар ишлаб чиқмоқда. Асли турк бўлган Ҳусайн Чалаён 2000 
йилгача TSE америка фирмаси учун ишлади. София Кокосалаки 2001 йилда 
Руффо Рисёрч итальян Мода Уйи учун либослар жамламасини яратиб берди.
Америкада испаниялик Мигель Эфровер жамламаси кўп шов-шув кўтарди, у 
матрасдан олинган матодан тиккан пальтосини намойиш қилганди. Кейинги 
сафар эса дизайнер енгил тўкилиб турувчи матолардан тикилган иффатли 
либосларни яратди. Моделчи Молли Стерн Американинг энг таниқли 
юлдузларини кийинтиради. Панк услубини эслатувчи унинг моделлари
қўлда тикилган ва ҳар доим бир нусхада яратилади. Карл Лагерфельд 
ҳомийлик қилувчи америкалик Жереми Скотт панк услуби дадиллигини 80-
йиллар ҳашамати билан уйғунлаштиради. Олдингидек, Париж ёшларни ўзига 
тортар эди. 90-йиллар бошида бу ерга Голландиядан Виктор Хорстинг ва 
Рольф Снёрен келди ва 1999 йилда биринчи от-кутюр жамламасини тақдим 
этди. Виктор ва Рольф жуфтлиги турли фактурадаги матоларни (масалан, 
жун трикотаж ва лаке) уйғунлаштириб, каттакон ёқалар ва енг-поча 
қайирмалари билан ёки спорт услубидаги жилетни оқшом учун кийиладиган 
блузкага айлантириш билан эътиборни тортиб, ғайриоддий бичимлардан 
фойдаланади. 90 йиллар ўрталаридан саҳнага дизайнерларнинг бельгия 
мактаби чиқиб келади ва модага катта таъсир кўрсатади. Бу 70–80-йиллар 
охирида япон дизайнерларнинг саҳна чиқиб модага кўрсатган улкан таъсири 
даражасидаги ўзгаришлар эди. Энг ёрқин вакиллари (катта қисми –
Антверпен қироллик санъат академияси битирувчилари ) – Мартин 
Маржьела, Анн Демелеместер, Дирк Биккембергс, Дрис ван Нотен, Вальтер 
ван Бейрендонк, Дирк ват Саенлардир.

---

169