Д. Раҳматуллаева, У. Ходжаева, Ф. Атаханова

сюртуклар
кийилган (4-расм). Ёпинчиқларга камроқ мурожаат 
этилган.
Эркаклар либоси безакларининг асосий кўринишлари - тўрлар ва 
тугмалардан иборат бўлган. Тўрлар сербурма жабо ва оқ галстукларда 
қўлланган. Қимматбаҳо кандакорлик, ўймакорлик билан безакланган, 
сирланган тугмалар фрак ва кюлотларни безаган. Либос безаги сифатида 
шунингдек тўқилган шнурлар ёки занжирлар билан кюлотлар белбоғига 
қотирилган тўқалар ҳам қўлланилган.
4-расм
Бош кийимлар – унча катта бўлмаган поляли олди тор ва ёнлари 
букилган шляпалар. Париклар ён тарфдан жингалакланиб, орқада ўриб бант 
билан мақкамланган.

---

99 
Рококо услубининг эркак либосига таъсири кийимларнинг ва уларнинг 
енгидаги тор шаклда, силуэтнинг эгилган линияларида, юмшоқ рангларида 
ва қимматбаҳо безакларда кўзга ташланади. Бу санъатдаги умумий 
йўналишга мос эди. Тўғри чизиқ унчалик ёрқин ҳисобланмас ва шу сабаб 
қийшиқ, букилган, эгри йўллар билан алмаштириларди. 
Аёллар либоси. 
XVIII асрда аёллар либосига каркас юбка яна қайтиб 
келди (5-расм).
5-расм
 
Ушбу панье зич елимланган тўқимадан иборат бўлиб, у кит мўйлови ёки 
металлдан ишланган горизонталь обручларга маҳкамланган. Панье тугмалар 
ёрдамида қаттиқ корсетга бириктирилган. Корсет орқа томондан қаттиқ, 
яъни тортиб боғлаб қўйилган. Асрнинг иккинчи яримига бориб, панье икки 
этакли, ҳар бир этаги бўксанинг бир томони учун мўлжалланган ва тесмалар 
билан бириктирилган алоҳида-алоҳида фижмалар билан алмаштирилади. 
Мана шундай асос аёллар либоси силуэтини учбурчак шаклига киритди. 
Бунда юбканинг кенглиги бўйга нисбатан 1 : 1,2 нисбатда; бошнинг нисбати 
бқйга нисбатан 1 : 5; елкаларнинг кенглик юбканинг кенгликка 1 : 5,5; 
лифнинг узунлик юбканинг узунликка 1 : 2,5 нисбатда олинган.
Аср бошига келиб, мана шу каркас асосида аёлларнинг янги либоси – 
кунтуш ёки Ватто складкали кўйлак пайдо бўлди. Бу енгил бичимли, тор 
елкали, белдан пастга қараб кенг каркас асосида кенгайган кўйлак бўлиб, 
унинг гўзаллиги орқа қисмидаги бутун бўй бўйлаб тушган катта 
складкаларида эди (6-расм). Яхши драпировкаланадиган ва чиройли расмли 
матолар (шойи, бархат) айниқса урф бўлган.

---

100 
6-расм 
Контуш олд томонидан кўкрак ва бўйинни катта очиб турган. Тор енглар 
тирсакка қараб кенгайган ва пастдан бир неча қатор кўркам, жимжимадор 
тўрлар билан безатилган. Либосни нақшли оч рангли шойи пайпоқлар, 
баланд, букилган пошнали туфлилар тўлдириб турар эди. Кўкракка қадалган 
сунъий гуллардан ясалган букет, занжирли брелок-соат, тўрли рюш – булар 
жуда кенг тарқалган безаклар эди.
Аёллар либосининг кейинги ривожланиш босқичи уни икки учбурчак 
яъни учлари бел чизиғида учрашган формасига қайтарди. Қалин, қаттиқ, 
жуда очиқ кўйлак лифи кенг, ён томонлари жуда катта шиширилган юбка 
билан уйғунлашди. Кўйлак гафрэли оборкалар, бантиклар, розеткалар ва 
сунъий гуллар билан безалган (7-расм). 40-йиллардан бошлаб катта кенг 
рельефли декорлар либос тарихида энг кўп тарқалган давр бўлди.
7-расм 8-расм

---

101 
70-йиллар охирида Францияда инглиз модаси, классицизм услуби кенг 
тарқалади. Аёллар ва эркаклар либосида аралаш, эклектик формалар пайдо 
бўлади. Бунга мисол, декоратив рококо ва дабдабани сақлаб қолган 
«инглизлашган» аёллар кўйлаги, яъни