Д. Раҳматуллаева, У. Ходжаева, Ф. Атаханова

4.
 
Ҳинд эркаклар либоси ҳақида нималарни биласиз? 
5.
 
Ҳинд эркакларининг қандай бел кийим турлари мавжуд? 
6.
 
Ҳинд аёлларининг қандай кийим турларини биласиз? 
 
Хитой либоси 
Қадимий Хитой маданияти милоддан олдинги II–III минг йилликларда 
Хуанхе дарёси бўйида вужудга келган эди. Хан империяси милоднинг 220–
йилигача ҳукм сурди. Хитой маданияти ва санъати ташқи таъсирсиз 
ривожланди. Милодгача I асрнинг иккинчи ярмигача Хитой бошқа давлатлар 
билан алоқа қилмади. Ҳар бир шаҳар бир давлат бўлиб жамланиб, ягона 
Хитойни ташкил этди. Шундай шаҳар–давлатлардан энг йириги Шан давлати 
эди. Тан, Сун, Ляо, Юан, Мин, Цин сулолалари қадимий Хитой тарихида 
асосий ўрин эгаллади.
Хитойликлар милоддан икки минг йил аввал рангли шойи матолар, 
каноп ва пахтадан йигирилган юпқа газлама ишлаб чиқарганлар. Мамлакат 
шимоли жуда совуқ, жануби эса жуда иссиқ бўлгани, иқлими алмашиниб 
турганлиги учун, қадимда хитойликлар либоси бир неча қават кийимни 
ташкил этган.
Тан даврида (VII–X асрлар) Хитой гуллаб–яшнади. Ўрта асрлар Хитой 
меъморчилиги Ҳиндистондан кириб келган буддизм дини билан боғлиқдир. 
Бу пагодалар, яъни кўп ярусли, кўп қаватли, оғир деворли ва мўъжазгина 
иморат майдонига эга Будда ибодатхоналаридир. 
Сун даврида (X–XIII асрлар) азалдан мавжуд ҳунармандчилик: ипак 
тўқиш, сопол ва чинни ишлаб чиқариш ривожланди. Хитой– ипакнинг 

---

188 
ватани ҳисобланади. Кўп асрлар мобайнида ипак тўқиш сирлари 
европаликлардан қаттиқ сир тутиб келинган.
Ҳар томонлама юксак тараққий этган Хитой маданияти Япония ва 
қўшни давлатларга таъсир этмай қолмади.
Хитойликлар бобокалон аждодларига қурбонлик қилганидай, осмон ва 
ерга ҳам қурбонлик қилган. Инсон қайта тирилади, отамиз бўлган– Осмон, 
онамиз бўлган – Ер бунга изн беради, дунё шундай бино бўлган. Балки 
шундандир, эркак киши – 
Ян
ҳамда аёл киши 
–
Инь
шу тариқа мулоқотда 
бўлади, деб тасаввур этган қадимий хитойликлар.
Хитой санъати ва маданиятининг ривожланишида рамзийлик жуда катта 
аҳамият беришган. Бу рамзий белгилар, ранглар, нақшлар либосларда ҳам 
акс этган.