D. R. Abdikarimova, G. M. Bekimbetova

Ishlar doirasiga ko‘ra ajratish usuli – xarajatli yondashuvdagi 
baholash usuli; xarajatlar duradgorlik, tosh terish, fan-texnika va boshqa 
shu kabi ishlarning turli ko‘rinishlari bo‘yicha guruhlarga ajratiladi. 
Iqtisodiy renta – ijara haqidagi shartnomada belgilangan bitim 
rentasidan farq qiluvchi, binodan tushgan yalpi renta daromadlarining 
bozor tomonidan belgilangan summasi. Iqtisodiy nazariyaga ko‘ra – 
omilni ishlab chiqarishda ishlatish uchun zarur bo‘lgan miqdordan ortiq 
qo‘shimcha kirimlar. 
Iqtisodiy yemirilish – raqobat yoki atrofdagi yerdan foydalanish 
variantlarining o‘zgarishlari kabi baholanuvchi mulkka nisbatan tashqi 
bo‘lgan omillar harakati natijasida qiymatning yo‘qolishi. Qarang: 
Yemirilish. 
Invud omili – odatdagi annuitetni baholashda foydalaniladigan 
multiplikator. Uilyam Invud sharafiga nomlangan. Birlikning davr ichidagi 
joriy qiymati. 
Ipoteka – qarzni qoplash uchun o‘z mulkini garovga qo‘yish. 
Kadastr – bu tegishli obyektni davriy yoki uzluksiz kuzatishlar orqali 
tuzilgan ma’lumotlar to‘plami. 

---

193