D. R. Abdikarimova, G. M. Bekimbetova

Yemirilishni ustiga qo‘shib hisoblash – buxgalterlik hisoblarida 
ma’lum qilingan va kompaniya aktivlarining o‘rnini bosish uchun hisoblab 
ustiga qo‘shilgan mablag‘lar miqdorini aks ettiruvchi summa. 
Yer rentasi – ijarachi yer ijarasi haqidagi shartnomaga ko‘ra 
kiritadigan to‘lov. 
Yer bitimi – bu shartnomaga ko‘ra sotuvchi yer maydoni uchun 
birinchi pul to‘lovini oladi, ammo, odatda, qarzning butun yig‘indisi 
to‘lanmagunicha mulk titulini bermaydi. 
Yer maydoni –  mazkur  ko‘chmas  mulkning  huquqiy  tarifida 
belgilangan hudud maydoni ko‘rinishidagi ko‘chmas mulk qismi. 
Yer – 1. Maydon zaxirasi, hudud. 2. Ko‘chmas mulk atributini 
belgilovchi hudud maydoni ko‘rinishidagi xususiy mulk. «Yer» 
atamasining odatdagi ma’nosi quruqlikning suv bilan qoplanmagan 
maydonini anglatadi, bu so‘zning huquqiy mazmuni esa ko‘chmas mulkni 
bildiradi (bu mazmunda ham yer atamasi zamin emas, hudud ma’nosida 
ishlatiladi).