D. A. Mamatqulov bolalar anatomiyasi va fiziologiyasi asoslari

Muskullarning  charchashi.  Faoliyatidan  so‗ng  ish  qobiliyatining  vaqtincha 
pasayishiga  aytiladi.  Dam  olishdan  so‗ng  charchoqlik  bosiladi.  Bir  guruh 
muskullarning charchashi ergografda tekshiriladi. 
Muskullar  ish  vaqtida  yoki  statik  vaziyatda  uzoq  qisqarib  turganda  yoki 
birorta  jismoniy  ish  bajarganda  charchaydi.  Muskul  charchaganda  uning 
qisqarishidagi latent davr uzayadi, kuchi susayadi, ta‘sirga javob reaksiyasi tezligi 
pasayadi,organizmning  chidamliligi  kamayadi.  Bola  qancha  yosh  bo‗lsa,  shuncha 
tez charchaydi, ayniqsa bir turli muskullar tez charchab qoladi. Bolalar harakatsiz 
turganda  tezroq  charchaydi.  Mehnat  qobilyatining  uzoq  saqlanishida  va 
charchoqlikning boshlanishda markaziy nerv sistemasi hal qiluvchi rol o‗ynaydi.    
Gipodinomiya,  ya‘ni  kamharakatlik  va  muskullarning  kam  harakatlanishi 
ichki  organlarning  rivojlanishiga  salbiy  ta‘sir  etadi.  6-7  yoshar  bolalar  aniqlikni 
talab  qiladigan  qarshilikni  yengadigan  harakatlar  qilmaganidan  charchamaganga 

---

71 
 
o‗xshaydi.  7-8  yoshar  bolalarning  mayda  muskullari  yetarlicha  uyg‗un 
qisqarmaydi,  aniq,  mayda,  nozik  harakatlarni  juda  qiyinlik  bilan  bajaradi, 
binobarin,  yozish,  rasm  chizishda,  nina  bilan  ishlashda  tez  charchab  qoladi. 
Bunday  bolalar  katta  odamga  nisbatan  ko‗p  harakat  qiladi,  lekin  kam  energiya 
sarflaydi.  7-12  yoshdagi  bolalar  harakatlari  uyg‗unlashmaganidan  tez  charchaydi. 
Shuning uchun bu yoshdagi bolalar ko‗pi bilan 40-45 minut jismoniy mashq qilishi 
kerak.  11-12  yoshdagi  bolalar  endi  jismoniy  kuch  va  chidamlilikni  talab  qiluvchi 
harakatlarni  bajara  boshlaydi.  14  yoshar  bolalarning  nerv  sistemasi  va  harakat 
a‘zolari  hali  yetarli  rivojlanmagan  bo‗ladi,  shu  tufayli  katta  odamga  nisbatan  2,5 
marta, 16 yoshar bolalar 2 marta tez charchaydi.