D. A. Mamatqulov bolalar anatomiyasi va fiziologiyasi asoslari

Barmoqlarni yozuvchi uzun muskul  katta boldirning chetki do‗ngchasidan, 
suyaklararo  parda  va  kichik  boldir  suyagidan  boshlanib,  pastda  4  ta  payga 
bo‗linadi va barmoqlarga birikadi.   

---

67 
 
Bosh barmoqni yozuvchi uzun muskul kichik boldir suyagidan, suyaklararo 
pardadan  boshlanib,  bosh  barmoqning  oxirgi  falangasiga  birikadi.  Qisqarganda 
bosh barmoqni va oyoq panjasini supinirlaydi.
 
Boldirning  orqa  muskullari.  Orqada  boldirning  uch  boshli  muskuli  yaxshi 
rivojlangan.  Chunki  u  dumbaning  katta  va  sonning  to‗rt  boshli  muskullari  bilan 
birga gavdani tik tutishda ahamiyatga ega. 
Boldirning  uch  boshli  muskulining  ikki  qorinli  boshi  sonning  2  ta 
to‗pig‗idan boshlanib, kuchli qorinchalar hosil qiladi. Uning tagida kambalasimon 
muskulning  yassi  boshi  joylashgan.  Bu  ikki  boshi  boldir  suyagining  orqa 
tomonidan boshlanib, uchala boshi pastda baquvvat tovon payiga aylanadi. Bu pay 
tovon  suyagining  tovon  o‗simtasiga  birikadi.  Muskul  qisqarganda  tizza  va  oyoq-
panja bo‗g‗imini bukadi.