Cover page obzor iqtisodiy-last 7B. cdr

6-боб. Корпоратив низолар билан боғлиқ
ишлар бўйича суд амалиёти
229
“Марҳамат” МЧЖ, қолганлари тегишли фуқаролар ўртасида тақсим-
ланган .
АЖнинг кузатув кенгаши томонидан 2015 йил 24 августда 
акциядорларнинг навбатдан ташқари умумий йиғилиши чақирилган 
бўлиб, ушбу йиғилиш кун тартибига АЖнинг ташкилий-ҳуқуқий 
шаклини ўзгартириш ва унинг уставини янги таҳрирда қабул қилиш 
ҳақидаги масалалар киритилган . 
Йиғилишда умумий акциялар сонининг 0,9 фоизи, яъни 10 дона 
овоз берувчи акция эгаси бўлган акциядор А .Валиев, умумий акциялар 
сонининг 13,30 фоизи, яъни 4 420 дона овоз берувчи акция эгаси 
В .Соҳибов, умумий акциялар сонининг 16,54 фоизи, яъни 4 080 дона овоз 
берувчи акция эгаси Б .каримов, АЖнинг номини ўзгартириш ва унинг 
Уставини янги таҳрирда қабул қилиш масалаларига қарши овоз берган . 
Масалалар йиғилишда иштирок этаётган овоз берувчи акция-
ларнинг эгалари бўлган акциядорларнинг тўртдан уч қисмидан иборат 
кўпчилик овози билан маъқулланмаганлиги сабабли акциядорлар 
умумий йиғилиши томонидан қарор қабул қилинмасдан қолган .
2015 йил 16 сентябрда ҳам айнан шу масалалар бўйича 
акциядорларнинг навбатдан ташқари умумий йиғилиши чақирилиб, 
ушбу мажлисда ҳам юқоридаги ҳолат такрорланиб, акциядорлар 
А .Валиев, В .Соҳибов ва Б .каримовлар кун тартибидаги масалаларга 
қарши овоз берган .
2015 йил 6 октябрда АЖ акциядорларининг навбатдан ташқари 
умумий йиғилиши ўтказилиб, унинг кун тартибига аввалги масалалар 
такроран қўйилган . 
Бироқ йиғилишда акциядорлар А .Валиев, В .Соҳибов ва Б .кари-
мовлар АЖнинг номини ўзгартириш ва унинг уставини янги таҳрирда 
қабул қилиш масалаларига учинчи маротаба қарши овоз берган . 
натижада акциядорлар умумий йиғилишида муҳокамага 
қўйил ган масалалар йиғилишда иштирок этаётган овоз берувчи 
акцияларнинг эгалари бўлган акциядорларнинг тўртдан уч қисмидан 
иборат кўпчилик овози билан маъқулламаганлиги сабабли маса-
лалар ўз ечимини топмаган .
Шу сабабли умумий акциялар сонининг 2,80 фоизи, яъни овоз 
берувчи 690 дона акция эгаси бўлган акциядор С .Холматов суда 

---