Cover page obzor iqtisodiy-last 7B. cdr

6-боб. Корпоратив низолар билан боғлиқ
ишлар бўйича суд амалиёти
227
олинган фойда иштирокчилар ўртасида тақсимланган . Ушбу умумий 
йиғилиш қарорларига кўра “Техника-С” АЖга устав фондига қўшган 
улушига мувофиқ ҳолда 8 500 000 сўм соф фойда ажратилган . Бироқ 
МЧЖ томонидан “Техника-С” АЖга 8 500 000 сўм соф фойда тўлаб 
берилмаган . 
Шу сабабли “Техника-С” АЖ МЧЖга нисбатан судга даъво аризаси 
билан мурожаат қилиб, МЧЖдан унинг 2014–2016 йиллардаги 
молиявий натижалари якуни бўйича “Техника-С” АЖга ҳисобланган 
8 500 000 сўмни ундиришни сўраган .
Биринчи инстанция судининг 2017 йил 24 апрелдаги ҳал қилув 
қарори билан даъво талаби тўлиқ қаноатлантириб, МЧЖдан 
“Техника-С” АЖ фойдасига 8 500 000 сўм дивиденд ундирилган .
Суд бундай хулосага келишда “Акциядорлик жамиятлари
ва акциядорларнинг ҳуқуқларини ҳимоя қилиш тўғрисида”ги 
Ўзбекистон Республикаси Қонуни 51-моддасининг учинчи қисми, 
52-моддаси ва 53-моддасининг биринчи қисмларига асосланган .
Ушбу Қонун 51-моддасининг учинчи қисмига кўра дивидендларни 
тўлаш муддати ва тартиби жамиятнинг уставида ёки акциядорларнинг 
умумий йиғилиши қарорида белгиланади . Дивидендларни тўлаш 
муддати шундай қарор қабул қилинган кундан эътиборан олтмиш 
кундан кеч бўлмаслиги лозим .
Қонуннинг 52-моддасига асосан акциядорларга дивидендларни 
тўлаш тўғрисида қарор қабул қилинган акциядорларнинг уму-
мий йиғилишини ўтказиш учун шакллантирилган жамият акция-
дорларининг реестрида қайд этилган шахслар акциялар бўйича 
дивиденд олиш ҳуқуқига эга .
Мазкур Қонун 53-моддасининг биринчи қисмига мувофиқ 
дивидендлар акциядорларнинг умумий йиғилиши томонидан белги-
ланган муддатларда жамиятнинг айби билан тўланмаган (олин-
маган) тақдирда тўланмаган (олинмаган) дивидендлар бўйича Ўзбе-
кис тон Республикаси Марказий банки томонидан белгиланган қайта 
молиялаштириш ставкаларидан келиб чиққан ҳолда пеня ҳисобланади .
Бу ерда жавобгарнинг ҳуқуқий шакли АЖ эмас балки МЧЖ 
бўлганлиги сабабли суд “Акциядорлик жамиятлари ва акциядор-
лар нинг ҳуқуқларини ҳимоя қилиш тўғрисида”ги Ўзбекис тон Рес-

---