Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
224
улушини қўшмаганлиги сабабли қаноатлантириш ҳақида янги қарор 
қабул қилишни, ҳал қилув қарорининг қолган қисмини ўзгаришсиз 
қолдиришни лозим топган .
6.12. МчЖ бошқарув органининг қарорини ҳақиқий
эмас деб топиш ҳақидаги даъво талаби бўйича жавобгар 
бўлиб ушбу бошқарув органи эмас, балки МчЖнинг ўзи 
ҳисобланиши сабабли даъво талаби иштирокчига эмас, 
МчЖга нисбатан киритилганда иштирокчига нисбатан иш 
юритишни тугатиш мумкин эмас.
2013 йил 14 декабрда фуқаро Аҳмедов Ғайрат Усманович 
томонидан “Сардор” МЧЖ (бундан буён мисол матнида ”МЧЖ” деб 
юритилади) ташкил этилган бўлиб, МЧЖнинг таъсис ҳужжатлари 
туман ҳокимлиги ҳузуридаги тадбиркорлик субъектларини рўйхатга 
олиш Инспекцияси (бундан буён мисол матнида ”Инспекция” деб 
юритилади) томонидан 2014 йил 10 январда рўйхатга олинган ва бу 
ҳақда МЧЖга гувоҳнома берилган .
Таъсис ҳужжатларига кўра МЧЖнинг устав фонди 20 000 000 сўм 
миқдорида белгиланиб, унда Ғ .Аҳмедов 20 000 000 сўм ёки 100 фоиз 
улушга эга бўлган .
МЧЖ иштирокчиси Ғ .Аҳмедов томонидан 2014 йил 23 мартда 
қабул қилинган қарорга асосан М .Муталов 25 фоиз улуш билан МЧЖ 
иштирокчилари сафига киритилган . 
кейинчалик, М .Муталов МЧЖ устав фондидаги Ғ .Аҳмедовнинг
75 фоиз улушини ҳам ноқонуний йўллар билан, яъни умумий 
йиғилиш қарорларини қалбакилаштириш орқали ўзлаштириб,
100 фоиз улушга эга бўлган . Ушбу ҳолат жиноят ишлари бўйича 
суднинг ҳукми билан ўз тасдиғини топган .
Вилоят хўжалик (ҳозирда иқтисодий) судининг бошқа иш 
бўйича 2015 йил 3 ноябрда қабул қилган ҳал қилув қарори билан 
Ғ .Аҳмедовнинг МЧЖдаги 100 фоиз улуши тикланиб, М .Муталов МЧЖ 
иштирокчилари сафидан чиқарилган .

---