Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
222
Бу ерда А .Музробовинг улуши МЧЖ ҳисобига ўтмаган, бугунги 
кунда ҳам у иштирокчилар сафида турибди . Унинг МЧЖга йўллаган 
аризаси ҳамда суд мажлисида берган кўрсатмасида ўзига тегишли 
33,3 фоиз улуши МЧЖ томонидан у билдирган нархда сотиб 
олинсагина, МЧЖ иштирокчилари сафидан чиқиши ҳақида маълум 
қилинган .
Шу боис Ҳайъат ҳал қилув қарорини ўзгаришсиз қолдиришни 
лозим топган .
6.11. МчЖнинг ҳар бир иштирокчиси таъсис ҳужжатларида 
белгиланган ва МчЖ давлат рўйхатидан ўтказилган пайтдан 
бошлаб бир йилдан ошмайдиган муддат мобайнида 
МчЖнинг устав фондига (устав капиталига) ўз ҳиссасини 
тўлиқ киритиши керак. Акс ҳолда МчЖнинг бошқа 
иштирокчилари ўз улушини устав фондига тўлиқ киритмаган 
иштирокчини МчЖдан чиқариш тўғрисидаги талаб билан 
судга мурожаат қилишга ҳақли. 
2013 йил 12 декабрда фуқаролар Омонов Оқилбек Сафоевич, 
Маҳматқулов Рустам Азимович ва Тошев Панжи Турапович 
томонидан “Чироқчи” МЧЖ (бундан буён мисол матнида ”МЧЖ” деб 
юритилади) ташкил этилган бўлиб, МЧЖнинг таъсис ҳужжатлари 
туман ҳокимлиги ҳузуридаги тадбиркорлик субъектларини рўйхатга 
олиш Инспекцияси (бундан буён мисол матнида ”Инспекция” деб 
юритилади) томонидан 2013 йил 24 декабрда рўйхатга олинган ва бу 
ҳақда МЧЖга гувоҳнома берилган .
Таъсис ҳужжатларига кўра МЧЖнинг устав фонди 30 000 000 сўм 
миқдорида белгиланиб, унда О .Омонов 11 000 000 сўм ёки 34 фоиз, 
Р .Маҳматқулов 10 000 000 сўм ёки 33,3 фоиз, П .Тошев 10 000 000 сўм
ёки 33,3 фоиз улушга эга бўлган .
Бироқ МЧЖ иштирокчилардан бири О .Омонов МЧЖ устав 
фондига киритилиши лозим бўлган маблағларни киритмаган ва у 
МЧЖнинг бошқарувида ҳам иштирок этмаган .

---