Cover page obzor iqtisodiy-last 7B. cdr

6-боб. Корпоратив низолар билан боғлиқ
ишлар бўйича суд амалиёти
219
Биринчи инстанция судининг 2107 йил 10 мартдаги ҳал қилув 
қарори билан ариза талабларини қаноатлантириш рад этилган .
Чунки МЧЖ уставининг 4 .6-бандида жамиятнинг иштирокчиси 
бўлган фуқаро вафот этган ҳолда жамиятнинг розилиги билан 
меросхўр жамиятга кириши, жамият меросхўрни ўз таркибига 
киритишни рад этган ҳолларда эса унинг устав фондидаги улуши 
иштирокчи вафот этган кундаги ҳақиқий қийматида ҳисоблаб 
берилиши белгиланган .
“Масъулияти чекланган ҳамда қўшимча масъулиятли жамиятлар 
тўғрисида”ги Ўзбекистон Республикаси Қонуни 20-моддасининг ўн 
иккинчи, ўн учинчи ва ўн тўртинчи қисмларида белгиланишича, 
жамиятнинг устав фондидаги (устав капиталидаги) улушлар жисмоний 
шахсларнинг меросхўрларига ва жамиятнинг иштирокчилари бўлган 
юридик шахсларнинг ҳуқуқий ворисларига ўтади . Жамиятнинг 
иштирокчиси бўлган юридик шахс тугатилган тақдирда, унинг 
кредиторлари билан ҳисоб-китоб тугалланганидан сўнг қолган 
унга қарашли улуш, агар қонун ҳужжатларида ёки тугатилаётган 
юридик шахснинг таъсис ҳужжатларида бошқача қоида назарда 
тутилган бўлмаса, тугатилаётган юридик шахснинг иштирокчилари 
ўртасида тақсимланади . Жамиятнинг уставида ушбу модданинг ўн 
иккинчи ва ўн учинчи қисмларида белгиланган улушнинг ўтиши ва 
тақсимланишига фақат жамият қолган иштирокчиларининг розилиги 
билан йўл қўйилиши назарда тутилиши мумкин . 
Шу боис Ҳайъат Қонуннинг 20-моддаси ва МЧЖ уставининг 
4 .6-бандига асосланган ҳолда, яъни жамият иштирокчиси бўлган 
жисмоний шахснинг меросхўрлари фақат қолган иштирокчиларнинг 
розилиги билан жамият иштирокчилари таркибига киритилиши 
мумкинлигидан келиб чиқиб, ҳал қилув қарорини ўзгаришсиз 
қолдиришни лозим топган .

---